ການນຳ ແລະ ພະນັກງານຫຼັກແຫຼ່ງ ເມືອງປາກແບງ ຝຶກອົບຮົມ ວຽກງານ ໂຄສະນາ-ປາຖະກະຖາ

———-//////////———–

ໃນວັນທີ 8 ເມສາ ນີ້ ທີ່ ເມືອງປາກແບງ ໄດ້ຈັດຝຶກອົບຮົມ ວຽກງານ ໂຄສະນາ-ປາຖະກະຖາ ພາຍໃຕ້ການເປັນປະທານຂອງ ທ່ານ ນາງ ມະນີຈັນ ວິໄລຈິດ ກຳມະການປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ເຂົ້າຮ່ວມມີ ທ່ານ ໄຊຍະສິນ ສຸພັນທອງ ກຳມະການພັກແຂວງ ເລຂາຄະນະບໍລິຫານງານພັກເມືອງ, ມີບັນດາ ຄະນະປະຈຳພັກເມືອງ, ກຳມະການພັກເມືອງ, ຄະນະຮັບຜິດຊອບ ຈາກຂັ້ນແຂວງ ແລະ ເມືອງ ເຂົ້າຮ່ວມ.

ໄລຍະເວລາ 2 ວັນ ຂອງຊຸດຝຶກອົບຮົມ ຜູ້ເຂົ້າຮ່ວມຈະໄດ້ຮັບຟັງການບັນລະຍາຍ ກ່ຽວກັບພື້ນຖານຂອງ ວຽກງານ ໂຄສະນາ, ຄຸນລັກສະນະ ແລະ ສິນລະປະ ໃນການເວົ້າ, ການໂຄສະນາຜ່ານສື່, ບັນດານິຕິກຳ ແລະ ບາງບົດຮຽນໃນການເຄື່ອນໄຫວ ວຽກງານ ໂຄສະນາ ພ້ອມກັນນັ້ນ ກໍ່ຈະມີການແລກປ່ຽນປະສົບການ, ຂື້ນທົດລອງ ປາຖະກະຖາ ແຕ່ລະຂົງເຂດ ຄື: ຂົງເຂດການເມືອງ, ເສດຖະກິດ, ວັດທະນະທຳ-ສັງຄົມ ແລະ ຂົງເຂດປົກປ້ອງກົດໝາຍ ເພື່ອນຳໄປປັບໃຊ້ເຂົ້າໃນວຽກງານຂອງຕົນຮັບຜິດຊອບໃຫ້ມີປະສິດທິຜົນສູງ.

ໂອກາດນີ້ ທ່ານປະທານກໍ່ໄດ້ຮຽກຮ້ອງມາຍັງ ຜູ້ທີ່ເຂົ້າຮ່ວມອົບຮົມ ຈົ່ງຍົກສູງຄວາມຮັບຜິດຊອບ ພ້ອມກັນຄົ້ນຄວ້າ, ປະກອບຄຳຄິດເຫັນ, ແລກປ່ຽນບົດຮຽນ ເຊິ່ງກັນ ແລະ ກັນ ໃຫ້ເລິກເຊິ່ງ ເພື່ອກໍາໃຫ້ໄດ້ເນື້ອໃນການຝຶກອົບຮົມ ແລະ ນຳໄປໝູນໃຊ້ເຂົ້າໃນການເຄື່ອນໄຫວ ຈັດຕັ້ງປະຕິບັດໜ້າທີ່ວຽກງານຂອງຕົນໃຫ້ໄດ້ຮັບຜົນດີ.