ຄະນະໂຄສະນາອົບຮົມແຂວງ ແລະ ຄະນະໂຄສະນາອົບຮົມເມືອງໄຊ ລົງເຄື່ອນໄຫວໂຄສະນາປາຖະກະຖາວັນສໍາຄັນຂອງຊາດ

          ໃນວັນທີ 16 ພະຈິກ 2023 ກອງໂຄສະນາເຄື່ອນທີ່ ຄະນະໂຄສະນາອົບຮົມແຂວງ ສົມທົບກັບຄະນະໂຄສະນາອົບຮົມເມືອງໄຊ ລົງເຄື່ອນໄຫວໂຄສະນາປາຖະກະຖາມູນເຊື້ອວັນຊາດທີ 2 ທັນວາ ຄົບຮອບ 48 ປີ, ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 103 ປີ ແລະ ສາຍສາລະຄະດີ ຢູ່ບ້ານແສນລາດ ແລະ ມສ ຫົວນໍ້າບາກ ເມືອງໄຊ ນໍາພາທິມງານໂດຍ ທ່ານ ຄອນພະຈິດ ທັນຍາສິດ ຫົວໜ້າຂະແໜງສັງລວມ ແລະ ຂໍ້ມູນຂ່າວສານ, ມີທ່ານ ສອນເພັດ ຄໍາມີໄຊ ຮອງຫົວໜ້າຄະນະໂຄສະນາອົບຮົມເມືອງໄຊ, ເຂົ້າຮ່ວມມີເລຂາຄະນະພັກບ້ານ, ບາຍບ້ານ, ອໍານວຍການໂຮງຮຽນ ມສ ຫົວນໍ້່ບາກ, ຄູອາຈານ ແລະ ປະຊາຊົນພາຍໃນບ້ານເຂົ້າຊົມທັງໝົດ 313 ກວ່າຄົນ.

          ການລົງເຄື່ອນໄຫວໂຄສະນາປາຖະກະຖາຄັ້ງນີ້ ເພື່ອເປັນການທົບທວນຄືນມູນເຊື້ອວັນຊາດທີ 2 ທັນວາ ຄົບຮອບ 48 ປີ ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 103 ປີ ໃຫ້ພະນັກງານຂັ້ນບ້ານ, ຄູອາຈານ, ນັກຮຽນ ແລະ ປະຊາຊົນບັນດາເຜົ່າ ໃຫ້ຮັບຮູ້ເຂົ້າໃຈກ່ຽວກັບປະຫວັດສາດ, ມູນເຊື້ອຂອງບັນດາຜູ້ນໍາແນວລາວຮັກຊາດ, ນັກຮົບ ແລະ ປາຊົນລາວບັນດາເຜົ່າ ທີ່ອຸທິດເລືອດເນື້ອເຫື່ອແຮງ ເພື່ອປະເທດຊາດ ເພື່ອການປະຕິວັດປົດປ່ອຍຊາດ, ເພື່ອຮໍ່າຮຽນເອົາຄຸນສົມບັດ, ສິນທຳປະຕິວັດ, ຄຸນງາມຄວາມດີ ຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ທີ່ອຸດທິດຕົນເພື່ອການປະຕິວັດ ແລະ ນໍໍາພາປວງຊົນລາວທັງຊາດຍາດໄດ້ເອກະລາດມາໃຫ້ແກ່ປະເທດຊາດ ທັງເປັນການປຸກລະດົມນັກຮຽນ ແລະ ປະຊາຊົນບັນດາເຜົ່າ ໃຫ້ຮັກສາ ແລະ ເສີມຂະຫຍາຍມູນເຊື້ອຮັກຊາດ, ມູນເຊື້ອແຫ່ງຄວາມສາມັກຄີປອງດອງ, ມູນເຊື້ອແຫ່ງການສູ້ຮົບອາດຫານຂອງປວງຊົນລາວທັງຊາດ ພາຍໃຕ້ການນໍາພາຂອງພັກ ແນໃສ່ສ້າງໃຫ້ມີທັດສະນະທີ່ຖືກຕ້ອງເປັນເອກະພາບພາຍໃນພັກ, ພາຍໃນສັງຄົມ ພ້ອມທັງຍົກສູງຄວາມສາມາດນໍາພາ ແລະ ລັກສະນະນໍາໜ້າຂອງພັກ, ເພີ່ມທະວີມະຫາສາມັກຄີທີ່ເປັນມູນເຊື້ອ ແລະ ມູນເຊື້ອດຸໝັ່ນເຂົ້າໃນການພັດທະນາຊີວິດການເປັນຢູ່ຂອງປະຊາຊົນໃຫ້ດີຂຶ້ນ.

Leave a Reply

Your email address will not be published. Required fields are marked *

slot, slot pulsa, slot deposit pulsa, deposit pulsa, deposit pulsa tanpa potongan, slot pulsa 2024, slot pulsa terpercaya slot pulsa slot pulsa