ໃນລະຫວ່າງວັນທີ 27-29 ມີນາ 2024 ຄະນະໂຄສະນາອົບຮົມແຂວງ ໄດ້ຕ້ອນຮັບ ຄະນະໂຄສະນາອົບຮົມສູນກາງພັກ ນໍາພາໂດຍ ສະຫາຍ ບຸນເພັງ ຈັນທະດາລາ ຮອງຫົວໜ້າຫ້ອງການ ຄະນະໂຄສະນາອົບຮົມສູນກາງພັກ ພ້ອມດ້ວຍຄະນະທິມງານ ທີ່ໄດ້ລົງມາເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງອຸດົມໄຊ.
ໃນການເຄື່ອນໄຫວໃນຄັ້ງນີ້ ໄດ້ຈັດກອງປະຊຸມພົບປະແລກປ່ຽນບົດຮຽນເຊິ່ງກັນ ແລະ ກັນ ກ່ຽວກັບວຽກງານໂຄສະນາອົບຮົມ ໂດຍສະເພາະແມ່ນ ວຽກງານສັງລວມ-ຫາງສຽງສັງຄົມ ຢູ່ທີ່ຫ້ອງປະຊຸມຄະນະໂຄສະນາອົບຮົມແຂວງ; ຈາກນັ້ນໄດ້ລົງເຄື່ອນໄຫວເຮັດວຽກຮ່ວມກັບ ຄະນະໂຄສະນາອົບຮົມເມືອງຫຼາ ແລະ ລົງເກັບກໍາຂໍ້ມູນການປູກພືດລະດູແລ້ງ ເພື່ອສົ່ງອອກຕ່າງປະເທດ ຢູ່ເມືອງຫຼາ ປະກອບສ່ວນເຮັດໃຫ້ ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນເທື່ອລະກ້າວ.
ຜ່ານການພົບປະແລກປ່ຽນບົດຮຽນເຊິ່ງກັນ ແລະ ກັນ ຕິດພັນກັບການລົງຈັດຕັ້ງປະຕິບັດຕົວຈິງ ເຮັດໃຫ້ ວຽກງານ ຕິດຕາມ, ເກັບກໍາສະພາບແນວຄິດ-ຫາງສຽສັງຄົມ ຢູ່ແຂວງອຸດົມໄຊ ໄດ້ຮັບການປັງປຸງທາງດ້ານຮູບການ, ວິທີການເຄື່ອນໄຫວ, ມາດຕະການປັບປຸງແກ້ໄຂ, ດ້ານອ່ອນທີ່ເປັນຂໍ້ຄົງຂ້າງໃນໄລຍະຜ່ານມາ.