ໜ່ວຍຊາວໜຸ່ມຮາກຖານຄະນະໂຄສະນາອົບຮົມແຂວງສະຫຼຸບປະການເມີນຂໍ້ແຂ່ງຂັນ 4 ບຸກປະຈໍາປີ 2024 ກອງປະຊຸມໄດ້ຈັດຂຶ້ນໃນຕອນເຊົ້າຂອງວັນທີ 20 ກັນຍາ 2024 ທີຫ້ອງປະຊຸມຂອງຄະນະໂຄສະນາອົບຮົມແຂວງອຸດົມໄຊ. ໂດຍການເປັນປະທານຂອງ ສະຫາຍ ບຸນເສີນ ເຍືອນຂວັນພະຈັນ ເລຂາຄະນະໜ່ວຍຊາວໜຸ່ມຮາກຖານຄະນະໂຄສະນາອົບຮົມແຂວງ.ມີຮອງລາຂາ, ຄະນະໜ່ວຍ ແລະ ສະມາຊິກຊາວໜຸ່ມເຂົ້າຮ່ວມຢ່າງພ້ອມພຽງ.
ກອງປະຊຸມແມ່ນໄດ້ຮັບຟັງຮ່າງບົດສະຫຼຸບການປະເມີນຂໍ້ແຂ່ງຂັນ 4 ບຸກປະຈໍາປີ 2024 ແລະ ແຜນການການຈັດຕັ້ງປະຕິບັດ ຂໍ້ແຂ່ງຂັນ ປະຈໍາປີ 2025. ເຊິ່ງໄລຍະຜ່ານມາຄະນະໜ່ວຍຊາວໜຸ່ມຮາກຖານຄະນະໂຄສະນາອົບຮົມແຂວງ ໄດ້ເປັນເຈົ້າການສຶກສາອົບຮົມການເມືອງ-ແນວຄິດ ໃຫ້ສະມາຊິກຊາວໜຸ່ມ ຕິດພັນກັບການນໍາເອົາເອກະສານ, ນິຕິກໍາທີ່ກ່ຽວຂ້ອງມາຈັດຕັ້ງເຊື່ອມຊຶມ; ບຸກດ້ານການຝຶກຝົນຫຼໍ່ຫຼອມ-ຮໍ່າຮຽນ ສະມາຊິກຊາວໜຸ່ມຄວາມຫ້າວຫັນຕໍ່ການພັດທະນາຕົນເອງ ດ້ວຍການຄົ້ນຄວ້າຮໍ່າຮຽນເອົາຂໍ້ມູນຂ່າວສານໃນດ້ານຕ່າງໆ ຈາກວາລະສານ, ຮຽນຈາກອິນເຕີເນັດ, ສື່ສັງຄົມອອນລາຍ, ຮຽນຈາກປະສົບການເຮັດວຽກຕົວຈິງ, ເພື່ອນຮ່ວມງານ; ບຸກດ້ານການຈັດຕັ້ງ ນໍາພາຮ່ວມຊີວິດການເມືອງພາຍໃນ ເພື່ອຕໍານິກໍ່ສ້າງຊ່ວຍເຫຼືອ ເຊິ່ງກັນ ແລະ ກັນເຮັດ ໃຫ້ສະມາຊິກໄດ້ຮັບຮູ້, ເຂົ້າໃຈ, ມີຄວາມເປັນເອກະພາບຕໍ່ແນວທາງແຜນນະໂຍບາຍຂອງພັກ-ລັດ ໃນແຕ່ລະໄລຍະ, ເປັນເຈົ້າການຈັດຕັ້ງປະຕິບັດວຽກງານຂະບວນການຕ່າງໆ ຢູ່ໃນກົມກອງ; ບຸກດ້ານວິຊາຊີບ ແລະ ສ້າງວຽກເຮັດງານທຳ: ສະມາຊິກມີຄວາມມັກ-ຮັກໃນອາຊີບຂອງຕົນ, ເປັນເຈົ້າການຝຶກຝົນຫຼໍ່ຫຼອມຕົນເອງໃນທຸກດ້ານໂດຍສະເພາະແມ່ນການຍົກລະດັບຄວາມຮູ້, ຄວາມສາມາດ, ຄວາມຮັບຜິດຊອບຕໍ່ໜ້າທີການເມືອງຂອງຕົນສູງຂຶ້ນ, ປະຕິບັດໜ້າທີ່ວຽກງານວິຊາສະເພາະມີຜົນສໍາເລັດ ແລະ ມີປະສິດຕິພາບສູງຂຶ້ນ ຄະນະຊາວໜຸ່ມໄດ້ເປັນເຈົ້າການປຸກລະດົມ, ຊຸກຍູ້ສະມາຊິກຊາວໜຸ່ມພາຍໃນໜ່ວຍຕັ້ງໜ້າສ້າງເສດຖະກິດຄອບຄົວ ຕາມເງື່ອນໄຂ, ຄວາມສາມາດຕົວຈິງ ບົນພື້ນຖານຖືກຕ້ອງ, ສອດຄ່ອງກັບລະບຽບກົດໝາຍ ເຮັດໃຫ້ຊີວິດການເປັນຢູ່ດີຂຶ້ນເທື່ອລະກ້າວ ເຊິ່ງມີ 3 ຄອບຄົວ ກາຍເປັນຕົວແບບໃນການສ້າງເສດຖະກິດຄອບຄົວນອກຈາກເງິນເດືອນ ໃຫ້ແກ່ສະມາຊິກຊາວໜຸ່ມພາຍໃນໜ່ວຍ. ນອກນັ້ນກອງປະຊຸມຍັງໄດ້ຕີລາຄາຈັດປະເພດຊາວໜຸ່ມ 4 ບຸກ ແລະ ຈັດປະເພດໜ່ວຍຊາວໜຸ່ມ 4 ບຸກ ປະຈໍາປີ 2024.