ຄະນະໂຄສະນາອົບຮົມແຂວງ ເຄື່ອນໄຫວຊຸກຍູ້ວຽກງານວິຊາສະເພາະຮອບດ້ານຢູ່ເມືອງງາ

ວັນທີ 13 ທັນວາ 2024 ຄະນະໂຄສະນາອົບຮົມແຂວງ ເຄື່ອນໄຫວຊຸກຍູ້ວຽກງານວິຊາສະເພາະຮອບດ້ານຢູ່ເມືອງງາ ນໍາພາທິມງານໂດຍ ສະຫາຍ ມໍ ຊົງ ກໍາມະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ໃຫ້ກຽດເຂົ້າຮ່ວມມີ ສະຫາຍ ທອງຄານ ວັດສະດາກອນ ຮັກສາການເລຂາພັກເມືອງ, ເຈົ້າເມືອງ ເມືອງງາ, ມີຫົວໜ້າ-ຮອງຫົວໜ້າຄະນະໂຄສະນາອົບຮົມເມືອງ, ທິມງານຄະນະໂຄສະນາອົບຮົມແຂວງ ແລະ ພະນັກງານຄະນະໂຄສະນາອົບຮົມເມືອງງາເຂົ້າຮ່ວມ.

ການເຄື່ອນໄຫວຊຸກຍູ້ວຽກງານວິຊາສະເພາະຢູ່ເມືອງງາໃນຄັ້ງນີ້ ແມ່ນໄດ້ຮັບຟັງການລາຍງານ ຂອງສະຫາຍ ແສງຈັນ ຢາຈົງກົວ ກໍາມະການພັກເມືອງ, ຫົວໜ້າຄະນະໂຄສະນາອົບຮົມເມືອງງາ ເປັນຕົ້ນແມ່ນຜົນງານໃນການຈັດຕັ້ງປະຕິບັດວຽກງານຮອບດ້ານໃນໄລຍະໜຶ່ງປີຜ່ານມາ ໄດ້ຍົກໃຫ້ເຫັນດ້ານດີຜົນງານ, ດ້ານຄົງຄ້າງ ແລະ ວິທີສື່ບຕໍ່ແກ້ໄຂໃນຕໍ່ໜ້າ; ກອງປະຊຸມຍັງໄດ້ມີຄໍາຄິດ, ຄໍາເຫັນແລກປ່ຽນບົດຮຽນ ໃນການຈັດຕັ້ງປະຕິບັດບາງວຽກງານໂຄສະນາອົບຮົມ ເຊິ່ງເຫັນວ່າຂອດປະສານງານລະຫວ່າງແຂວງ-ເມືອງ ຍັງເຮັດບໍ່ທັນໄດ້ດີ ໂດຍສະເພາະແມ່ນການລາຍງານການໂຄສະນາ-ປາຖະກະຖາ ວັນສໍາຄັນຂອງຊາດ, ຂອງພັກ, ຂອງທ່ານຜູ້ນໍາ, ວຽກງານໂຄສະນາຜ່ານສື່ ແລະ ວຽກງານປະຫວັດສາດ; ການຄົ້ນຄວ້າຜັນຂະຫຍາຍບັນດານິຕິກໍາວຽກງານຕິດຕາມ, ເກັບກໍາສະພາບແນວຄິດ-ຫາງສຽງສັງຄົມ, ການສ້າງຕັ້ງ, ການຕິດຕາມ ແລະ ການປັບປຸ່ງຕາໜ່າງເພື່ອຮ່ວມງານຢູ່ຂັ້ນເມືອງ, ການຈັດຕັ້ງວິເຄາະ, ວິໄຈສາເຫດຂອງບັນຫາ, ມາດຕະການການແກ້ໄຂ້ບັນຫາຫາງສຽງສັງຄົມຢູ່ເມືອງ ພ້ອມທັງສະເໜີວິທີການຈັດຕັ້ງປະຕິບັດວຽກງານລະຫວ່າງແຂວງ-ເມືອງ, ການເຜີຍແຜ່ເຊື່ອມຊຶມບັນດາມະຕິ, ຄໍາສັ່ງຂອງສູນກາງ, ຂອງແຂວງ; ເພື່ອເຮັດໃຫ້ຂອດການຈັດຕັ້ງປະຕິບັດວຽກງານວິຊາສະເພາະສະດວກຂຶ້ນກວ່າເກົ່າ.