ຄະນະໂຄສະນາອົບຮົມແຂວງ ຮ່ວມກັບຄະນະໂຄສະນາອົບຮົມເມືອງໄຊ ສໍາເລັດການລົງໂຄສະນາເຄື່ອນທີ່ຢູ່ບ້ານທ່າສະເລືອງເມືອງໄຊ
ເພື່ອເປັນການປະຕິບັດຕໍ່ເນື້ອໃນການກະກຽມດຳເນີນກອງປະຊຸມໃຫຍ່ຂອງອົງຄະນະພັກເມືອງ ແລະ ອົງຄະນະພັກແຂວງ, ກະກຽມທຸກເງື່ອນເພື່ອສະເຫຼີມສະຫຼອງ 3 ວັນປະຫວັດສາດທີສຳຄັນຂອງຊາດຂອງພັກ ແລະ ວັນເກີດຂອງທ່ານຜູ້ນຳໃນຕອນແລງຂອງວັນທີ 24 ຕຸລາ 2024 ຄະນະໂຄສະນາອົບຮົມແຂວງ ສົມທົບກັບຄະນະໂຄສະນາອົບຮົມເມືອງໄຊ ລົງໂຄສະນາເຄື່ອນທີ່ຢູ່ບ້ານທ່າສະເລືອງເມືອງໄຊ ໂດຍການພາຄະນະທີມຂອງ ທ່ານນາງ ມະນີຈັນ ວິໄລຈິດ ກຳມະການພັກແຂວງ ຮອງຫົວໜ້າຄະນະໂຄສະນາອົບຮົມແຂວງ ອຸດົມໄຊ. ເປັນກຽດເຂົ້າຮ່ວມຂອງທ່ານ ພູວອນ ນໍດາລາ ເລຂາຄະນະພັກຮາກຖານກຸ່ມບ້ານນາງາມ ມີພະນັກງານວິຊາການຂອງແຂວງ, ເມືອງໄຊ. ຕະຫຼອດຮອດອົງການປົກຄອງບ້ານ ແລະ ພໍ່ແມ່ພີນ້ອງບ້ານທ່າສະເລືອງເຂົ້າເຂົ້າຮ່ວມທັງໝົດ 195 ຄົນ, ຍິງ 95 ຄົນ.
ການລົງເຄື່ອນໄຫວໂຄສະນາປາຖະກະຖາໃນຄັ້ງນີ້ ຜູ້ເຂົ້າຮ່ວມແມ່ນໄດ້ຮັບຟັງ-ຮັບຊົມ ມູນເຊື້ອວັນ ປະກາດເອກະລາດ 12 ຕຸລາ ຄົບຮອບ 79 ປີ (12 ຕຸລາ 1945-12 ຕຸລາ 2024), ບັນດາເຫດການທີ່ສໍາຄັນ, ເງື່ອນໄຂໃຫ້ແກ່ການປະກາດເອກະລາດ 12 ຕຸລາ 1945 ເພື່່ອເປັນການເສີມຂະຫຍາຍມູນເຊື້ອຮັກຊາດ, ມູນເຊື້ອຄວາມສາມັກຄີປອງດອງປາຊາຊົນລາວບັນດາເຜົ່າ, ໃນການເສີມຂະຫຍາຍລະບອບປະຊາທິປະໄຕປະຊາຊົນ, ໃນການຈັດຕັ້ງປະຕິບັດແນວທາງປ່ຽນແປງໃໝ່ຢ່າງຮອບດ້ານ; ຜົນງານຂອງການປະກາດເອກະລາດເປັນວັນສໍຳຄັນຂອງຊາດ ເພື່ອຍົກສູງສະຕິລະວັງຕົວ ຕໍ່ກົນອຸບາຍມ້າງເພຂອງບັນດາອິດທິກໍາລັງປໍລະປັກ ແລະ ກຸ່ມຄົນບໍ່ຫວັງດີ , ຊົມສາລະຄະດີຜົນສຳເລັດຂອງການປະຊຸມໃຫຍ່ຄັ້ງທີ 9 ຂອງແຂວງອຸດົມໄຊ. ເປັນຕົ້ນແມ່ນຜົນງານການຊີ້ນໍຳ-ນຳພາຂອງຄະນະພັກແຂວງອຸດົມໄຊ ແລະ ສາລະຄະດີຜົນຮ້າຍຂອງການເສບຢາເສບຕິດ. ໃນໂອກາດການລົງເຄື່ອນໄຫວໂຄສະນາເຄື່ອນທີ່ໃນຄັ້ງນີ້ຜູ້ເຂົ້້າຮ່ວມກໍ່ໄດ້ຮັບຟັງຄຳໂອ້ລົມຂອງທ່ານ ນາງມະນີຈັນ ວິໄລຈິດ ໂດຍທ່ານໄດ້ໂອ້ລົມເນັ້ນນັກໃນຫຼາຍບັນຫາທີຕ້ອງໄດ້ເອົາໃຈໃສ່ໃນການສ້າງເສດຖະກິດຄອບຄົວ ເປັນຕົ້ນແມ່ນການຜະລິດເປັນສິນຄ້າ ແລະການມີສ່ວນຮ່ວມໃນການພັດທະນາປະເທດຊາດ, ໂດຍອີງໃສສະພາບເສດຖະກິດໃນປັດຈຸບັນ ແລະ ທາແຮງຂອງບ້ານທ່າສະເລືອງເປັນເຈົ້າການໃນການອະນຸລັກສິ່ງແວດລ້ອມເປັນຕົ້ນແມ່ນແຫຼງທ່ອງທ່ຽວທຳມະຊາດອ່າງນ້ຳຫີນເພື່ອຕ້ອນຮັບນັກທ່ອງທ່ຽວໃນອາອາຄົດເຮັດໃຫ້ທຸກຄອບຄົວມີລາຍຮັບເພີ່ມຂຶ້ນເຮັດໃຫ້ທຸກຄອບຄົວມີການພັດທະນາ.