ຄະນະໂຄສະນາອົບຮົມແຂວງອຸດົມໄຊເຂົ້າຮ່ວມກອງປະຊຸມວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊສ໌) ທົ່ວປະເທດ ປະຈໍາໄຕມາດ I 2025.
ຄະນະໂຄສະນາອົບຮົມແຂວງໄຊເຂົ້າຮ່ວມກອງປະຊຸມວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊສ໌) ທົ່ວປະເທດ ປະຈໍາໄຕມາດ I 2025. ປະຕິບັດຕາມໜັງສືເຊີນຂອງກົມຂໍ້ມູນຂ່າວສານ ແລະ ຝຶກອົບຮົມຄະນະໂຄສະນາອົບຮົມສູນກາງພັກ ເລກທີ 53/ກຂສ-ຝຮ, ຄອນຫວງວຽງຈັນ, ລົງວັນທີ 27 ມີນາ 2025 ກ່ຽວກັບການເຂົ້າຮ່ວມກອງປະຊຸມສ່ອງແສງລາຍງານການເຄື່ອນໄຫວວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊສ໌) ຂອງຄະນະໂຄສະນາອົບຮົມແຂວງໃນທົ່ວປະເທດ ປະຈໍາໄຕມາດ I 2025. ດັ່ງນັ້ນ ໃນຕອນເຊົ້າຂອງວັນທີ 2 ເມສາ 2025 ສະຫາຍ ນາງ ກົງຈັນ ໄພມະນີ ຫົວໜ້າຂະແໜງສັງລວມ ແລະ ຂໍ້ມູນຂ່າວສານ ພ້ອມດ້ວຍພະນັກງານຂະແໜງສັງລວມ ແລະ ຂໍ້ມູນຂ່າວສານ ໄດ້ເຂົ້າຮ່ວມກອງປະຊຸມດັ່ງກ່າວ ຢູ່ຫ້ອງປະຊຸມຄະນະໂຄສະນາອົບຮົມແຂວງ (ກອງປະຊຸມທາງໄກ) ໂດຍການເປັນປະທານ ຂອງສະຫາຍ ວັນຕຸລາ ຣັກນຸດ ກໍາມະການຄະນະພັກ, ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ; ມີຫົວໜ້າ-ຮອງຫົວໜ້າຄະນະໂຄສະນາອົບຮົມແຂວງ; ຄະນະຊີ້ນຳ, ຄະນະແອັດມິນວຽກງານເວັບໄຊສ໌ຂອງບັນດາແຂວງທົ່ວປະເທດເຂົ້າຮ່ວມຢ່າງພ້ອມພຽງ.
ກອງປະຊຸມໄດ້ຮັບຟັງການລາຍງານການຈັດຕັ້ງເຄື່ອນໄຫວວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊສ໌) ປະຈໍາໄຕມາດ I 2025 ຂອງ 18 ແຂວງໃນທົ່ວປະເທດ, ເຊິ່ງແຕ່ລະແຂວງໄດ້ຍົກໃຫ້ເຫັນດ້ານດີ-ຜົນງານ, ດ້ານອ່ອນ-ຂໍ້ຄົງຄ້າງ, ຂໍ້ສະດວກ-ຂໍ້ຫຍຸ້ງຍາກໃນການຈັດຕັ້ງເຄື່ອນໄຫວວຽກງານປະຈໍາໄຕມາດ I 2025 ຜ່ານມາ ແລະ ທິດທາງແຜນການວຽກງານຈຸດສຸມປະຈໍາໄຕມາດ II 2025, ພ້ອມທັງມີຂໍ້ສະເໜີ ແລະ ຄຳຄິດ, ຄຳເຫັນແລກປ່ຽນບົດຮຽນເຊິ່ງກັນ ແລະ ກັນ ເປັນຕົ້ນ: ການສະໜອງອຸປະກອນທີ່ຈຳເປັນໃຫ້ແກ່ການໂຄສະນາຜ່ານສື່ເອເລັກໂຕຼນິກ ແລະ ການຖອດຖອນບົດຮຽນວຽກງານຂໍ້ມູນຂ່າວສານຢູ່ພາຍໃນ ແລະ ຕ່າງປະເທດ. ສຳລັບຄະນະໂຄສະນາອົບຮົມແຂວງອຸດົມໄຊ ໄລຍະ 3 ເດືອນ ຜ່ານມາໄດ້ເອົາໃຈໃສ່ນຳພາເຄື່ອນໄຫວວຽກງານເວັບໄຊສ໌ເຄື່ອນໄຫວຢ່າງເປັນປົກກະຕິສາມາດຍາດໄດ້ຜົນງານທີ່ພົ້ນເດັ່ນຄື: ຂຽນບົດຂ່າວຜົນງານການເຄື່ອນໄຫວວຽກງານໂຄສະນາອົບຮົມແຂວງ ເຜີຍແຜ່ລົງເວັບໄຊສ໌ ໄດ້ທັງໝົດ13 ບົດ, ສ້າງສາລະຄະດີຜົນງານການນໍາພາຂອງອົງຄະນະພັກແຂວງອຸດົມໄຊ ໄລຍະ 54 ປີ ແລະ ຜົນງານວຽກງານໂຄສະນາອົບຮົມທົໍ່ວແຂວງ ປະຈໍາປີ 2024 ເຜີຍແຜ່ລົງເວັບໄຊສ໌ ໄດ້ 2 ສາລະຄະດີ; ຄຸູ້ມຄອງ, ພັດທະນາເວັບໄຊສ໌ຄະນະໂຄສະນາອົບຮົມແຂວງອຸດົມໄຊ ໂດຍສະເພາະແມ່ນການ ບໍລິຫານໜ້າກະດານຂ່າວ ໄດ້ຮັບການປັບປຸງດີຂຶ້ນ, ສາມາດເຄື່ອນໄຫວເປັນປົກກະຕິ ແລະ ດຶງດູດຜູູ້ເຂົ້າຊົມຫຼາຍຂຶ້ນກວ່າເກົ່າ ເຊິ່ງໃນໄລຍະ 3 ເດືອນຜ່ານມາມີຍອດວິວສູງເຖິງ 103,689 ວິວ ແລະ ສະຫຼຸບລາຍງານວຽກງານເວັບໄຊສ໌ປະຈໍາເດືອນ ມັງກອນ-ມີນາ, ໄລຍະ 3 ເດືອນ 2025 ໃຫ້ຄະນະໂຄສະນາອົບຮົມສູນກາງພັກ ໄດ້ 4 ບົດ; ຈັດລາຍການ “ໂຄສະນາອົບຮົມ” ອອກທາງວິທະຍຸກະຈາຍສຽງ ແລະ ໂທລະໂຄ່ງຂອງແຂວງ ໄດ້ 13 ຄັ້ງ; ຄັດບົດຄວາມຈາກວາລະສານໂຄສະນາ ແລະ ອະລຸນໃໝ່ຂອງພັກ ແລະ ຂຽນບົດຂ່າວຜົນງານ ການເຄື່ອນໄຫວວຽກງານໂຄສະນາອົບຮົມທົ່ວແຂວງ ເຜີຍແຜ່ທາງເຟກບຸກ, ວິທະຍຸກະຈາຍສຽງຂອງແຂວງ, ໂທລະໂຄ່ງແຂວງ-ເມືອງ ໄດ້ 47 ບົດ (ບົດຂ່າວ 31 ບົດ, ບົດຄວາມ 16), ໃນນັ້ນຄະນະໂຄສະນາອົບຮົມແຂວງ 26 ບົດ (ບົດຂ່າວ 13 ບົດ, ບົດຄວາມ 13 ບົດ), ຄະນະໂຄສະນາອົບຮົມເມືອງ 21 ບົດ (ບົດຂ່າວ 18, ບົດຄວາມ 3 ບົດ); ສ້າງປື້ມຜົນສໍາເລັດກອງປະຊຸມວຽກງານໂຄສະນາອົບຮົມ ແລະ ວຽກງານຕິດຕາມ, ເກັບກໍາສະພາບ ແນວຄິດ-ຫາງສຽງສັງຄົມທົ່ວແຂວງ ປະຈໍາປີ 2024 ສໍາເນົາໄວ້ຫ້ອງສະໝຸດ ແລະ ສົ່ງໃຫ້ພາກສ່ວນກ່ຽວຂ້ອງ ໄດູ້ 1 ວຽກງານ; ສັງລວມນິຕິກໍາວຽກງານການເມືອງ-ແນວຄິດ, ວຽກງານໂຄສະນາອົບຮົມ ໄດ້ 11 ເອກະສານ ລົງໃນຖານຂໍໍ້ມູນໃນລະບົບຄອມພິວ ປັດຈຸບັນມ ເອກະສານທັງໝົດ 171 ເອກະສານ; ເກັບກໍາ-ສໍາເນົາຮູບພາບການເຄືໍ່ອນໄຫວວຽກງານໂຄສະນາອົບຮົມແຂວງແຕ່ລະໄລຍະ ໄດູ້ທັງໝົດ 13 ວຽກງານ; ສ້າງສາລະຄະດ ຜົນງານການນໍາພາ-ຊ ໍ້ນໍາຂອງຄະນະໜ່ວຍພັກຮາກຖານ ຄະນະໂຄສະນາອົບຮົມ ແຂວງ ໄລຍະ 7 ປີ (2018-2024) ເພື່ອຮັບໃຊ້ໃນກອງປະຊຸມໜ່ວຍພັກຮາກຖານ ສະໄໝທ XVI ສໍາເລັດຂັ້ນພື້ນຖານ; ປັບປຸງຫ້ອງປະຊຸມທາງໄກ, ຫ້ອງສະໝຸດ ແລະ ຂໍ້ມູນບັນຊີປຶ້ມຫ້ອງສະໝຸດເປັນລະບົບ, ສາມາດໃຫ້ ບໍລິການເປັນປົກກະຕິ; ຕິດຕາມ, ເກັບກໍາ, ວິເຄາະສະພາບການທີ່ພົ້ນເດັ່ນ ປະຈໍາເດືອນ ມັງກອນ-ມີນາ, ໄລຍະ 3 ເດືອນ 2025 ລາຍງານຂັ້ນເທິງ ຕິດພັນກັບບົດສະຫຼຸບລາຍງານວຽກງານໂຄສະນາອົບຮົມ ແລະ ວຽກຫາງສຽງສັງຄົມ.