ຄະນະໂຄສະນາອົບຮົມແຂວງ ເຊື່ອມຊຶມເອກະສານສຶກສາອົບຮົມການເມືອງ-ແນວຄິດ ກ່ອນດໍາເນີນກອງປະຊຸມໃຫຍ່ ຂອງໜ່ວຍພັກ

ລາຍລະອຽດ

ສ້າງຂື້ນເມື່ອ ວັນພະຫັດ, 22 ທັນວາ 2022 03:19

ຂຽນໂດຍ ພາບ/ຂ່າວ: ວິໄຊ ຢາຊົງກົວ

          ໃນຕອນເຊົ້າຂອງວັນທີ 21 ທັນວາ 2022 ຄະນະໂຄສະນາອົບຮົມແຂວງ ໄດ້ເຊື່ອມຊຶມເອກະສານສຶກສາອົບຮົມການເມືອງ-ແນວຄິດ 3 ບົດ ກ່ອນດຳເນີນກອງປະຊຸມໃຫຍ່ ຄັ້ງທີ XVI ຂອງໜ່ວຍພັກຮາກຖານຄະນະໂຄສະນາອົບຮົມແຂວງ ຢູ່ທີ່ຫ້ອງປະຊຸມຄະນະໂຄສະນາອົບຮົມແຂວງ ໂດຍການເປັນປະທານຂອງສະຫາຍ ມໍ ຊົງ ກໍາມະການປະຈໍາພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ມີສະຫາຍ ນາງ ແກ້ວໄຊ ມະນີວົງ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ແລະ ມີແຂກເຊີນຈາກຄະນະຈັດຕັ້ງແຂວງ, ຄະນະກວດກາແຂວງ, ຫ້ອງວ່າການແຂວງ, ສະມາຊິກພັກພາຍໃນເຂົ້າຮ່ວມທັງໝົດ 18 ສະຫາຍ, ຍິງ 7 ສະຫາຍ. 

ອ່ານເພີ່ມເຕີມ...

ຄະນະໂຄສະນາອົບຮົມແຂວງ ອຸດົມໄຊ ຈັດພິທີປາຖະກະຖາ ວັນເກີດ ປະທານ ໄກສອນ ພົມວິຫານ

ລາຍລະອຽດ

ສ້າງຂື້ນເມື່ອ ວັນພຸດ, 14 ທັນວາ 2022 04:21

ຂຽນໂດຍ ພາບ/ຂ່າວ: ສົມຈິດ ຈິດດໍາລົງ

         ໃນຕອນເຊົ້າຂອງວັນທີ 13 ທັນວາ 2022 ທີ່ສະໂມສອນໃຫ່ຍຂອງແຂວງ ໄດ້ຈັດພິທີປາຖະກະຖາ ວັນເກີດປະທານ ໄກສອນ ພົມວິຫານ ຄົບຮອບ 102 ປີ (13 ທັນວາ 1920-13 ທັນວາ 2022) ຂຶ້ນ ພາຍໃຕ້ການເປັນປະທານ ຂອງທ່ານ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ມີບັນດາຄູ-ອາຈານ ພ້ອມດ້ວຍນ້ອງນັກຮຽນທີ່ມາຈາກໂຮງຮຽນມັດທະຍົມສົມບູນເທດສະບານແຂວງ ແລະ ໂຮງຮຽນມັດທະຍົມສົມບູນເມືອງໄຊ ເຂົ້າຮ່ວມທັງໝົດ 420 ຄົນ, ຍິງ 250 ຄົນ.

           ໃນໂອກາດທີ່ມີຄວາມໝາຍສໍາຄັນນີ້ທ່ານ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ໄດ້ຍົກໃຫ້ເຫັນເຖິງມູນເຊື້ອການເຄື່ອນໄຫວຂອງປະທານ ໄກສອນ ພົມວິຫານ ຊີວິດເມື່ອຍັງເຍົາໄວຂອງເພີ່ນແມ່ນຊີວິດອັນອົບອຸ່ນດ້ວຍຄວາມຮັກ ແລະ ຄວາມເອົາ ໃຈໃສ່ຂອງພໍ່ແມ່, ເພິ່ນໄດ້ຮັບການລ້ຽງດູ ແລະ ອົບຮົມສັ່ງສອນຈາກພໍ່ແມ່ໃຫ້ເປັນເດັກດີມີວິໄນ ແລະ ໄຝ່ຫາການສຶກສາ, ເມື່ອອາຍຸ 7 ປີ ເພິ່ນໄດ້ເຂົ້າຮຽນຊັ້ນປະຖົມພາສາລາວ ຕໍ່ມາໄດ້ເຂົ້າຮຽນພາສາຝຣັ່ງ, ເພິ່ນໄດ້ຕັ້ງໃຈຮຽນ, ດຸໝັ່ນອ່ານໜັງສື, ເຄົາລົບຄູ, ຮັກແພງໝູ່ຄູ່ ແລະ  ຮຽນໄດ້ຄະແນນດີ. ມາຮອດວັນທີ 27 ກຸມພາ 1948 ສູນກາງພັກກອມມູນິດອິນດູຈີນ ໄດ້ຕົກລົງສ້າງຕັ້ງກອງຕະລຸມບອນເຂດລາວເໜືອ ແລະ ປະທານ ໄກສອນ ພົມວິຫານ ໄດ້ຖືກມອບໝາຍໃຫ້ເປັນຫົວໜ້າກອງຕະລຸມບອນ, ເຮັດໜ້າທີ່ກໍ່ສ້າງຮາກຖານການເມືອງ, ຈັດຕັ້ງກອງກໍາລັງປະກອບອາວຸດ, ສ້າງຖານທີ່ໝັ້ນທໍາອິດຂອງການປະຕິວັດຢູ່ເຂດຕາເວັນອອກຊຽງເໜືອຂອງລາວ ໂດຍເອົາບໍລິເວນລາວຮຸ່ງ, ພຽງສາ, ມອງນໍ້າ, ຜາຫຼວງ, ເມືອງຊຽງຄໍ້, ແຂວງຫົວພັນເປັນໃຈກາງເຄື່ອນໄຫວປະຕິວັດສ້າງຮາກຖານປະຊາຊົນ, ສ້າງອໍານາດການປົກຄອງໃໝ່, ທັງສູ້ຮົບທັງຂົນຂວາຍທະຫານສັດຕູ ທັງຈັດຕັ້ງທະຫານລາດກອງຫຼອນ ແລະ ຕ້ານການກວດລ້າງຂອງສັດຕູດ້ວຍຄວາມເຊື່ອໝັ້ນອັນໜັກແໜ້ນ ແລະ ດ້ວຍມານະຈິດອັນແນ່ວແນ່ ໂດຍບໍຫວັນໄຫວຄອນແຄນຕໍ່ສິ່ງທ້າທາຍທົດສອບໃດໆ ແລະ ບໍທໍ້ຖອຍ, ບໍ່ຍອມຈໍານົນຕໍ່ຄວາມຫຍຸ້ງຍາກ ແລະ ໄພຂົ່ມຂູໃດໆທັງສິ້ນ ນໍາພາປະຊາຊົນບັນດາເຜົ່າຕໍ່ສູ້ຈົນສາມາດຍາດໄດ້ໄຊຊະນະ ແລະປົດປ່ອຍປະເທດຊາດ ໄດ້ຢ່າງສົມບູນ.

        ຕອນທ້າຍຂອງພິທີທ່ານ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ໄດ້ຮຽກຮ້ອງມາຍັງ ຄູ-ອາຈານ, ນັກຮຽນ ແລະ ລູກຫລານ ທີ່ເປັນຜູ້ສືບທອດຂອງປະເທດຊາດ ຈົ່ງພ້ອມກັນຮໍ່າຮຽນເອົາເອົາແບບຢ່າງຄຸນສົມບັດ, ທາດແທ້ປະຕິວັດ, ຄວາມຈົ່ງຮັກພັກດີ, ຄວາມເດັດດ່ຽວໜຽວແໜ້ນ ຂອງປະທານ ໄກສອນ ພົມວິຫານ ໄວ້ເພື່ອປັບປຸງຕົນເອງໃນຕໍ່ໜ້າ.

ຄະນະໂຄສະນາອົບຮົມແຂວງ ປາຖະກະຖາ ວັນຊາດທີ 2 ທັນວາ ຄົບຮອບ 47 ປີ, ວັນເກີດປະທານ ໄກສອນ ພົມວິຫານ ຄົບຮອບ 102 ປີ ແລະເຜີຍແຜ່ເອກະສານສໍາຄັນຈໍານວນໜຶ່ງ

ລາຍລະອຽດ

ສ້າງຂື້ນເມື່ອ ວັນພຸດ, 14 ທັນວາ 2022 02:52

ຂຽນໂດຍ ພາບ/ຂ່າວ: ວິໄຊ ຢາຊົງກົວ

          ໃນຕອນເຊົ້າຂອງວັນທີ 9 ທັນວາ 2022​ ຄະນະໂຄສະນາອົບຮົມແຂວງ ໄດ້ຈັດພິທີປາຖະກະຖາວັນຊາດທີ 2 ທັນວາ ຄົບຮອບ 47 ປີ, ວັນເກີດປະທານ ໄກສອນ ພົມວິຫານ ຄົບຮອບ 102 ປີ ແລະເອກະສານສໍາຄັນຈໍານວນໜຶ່ງ ຂຶ້ນທີ່ຫ້ອງປະຊຸມຄະນະໂຄສະນາອົບຮົມແຂວງ ໂດຍການເປັນປະທານ ຂອງທ່ານ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ​, ມີຮອງຫົວໜ້າຄະນະໂຄສະນາອົບຮົມແຂວງ, ຫົວໜ້າ, ຮອງຫົວໜ້າຂະແໜງ ແລະພະນັກງານພາຍໃນເຂົ້າຮ່ວມທັງໝົດ 13 ທ່ານ, ຍິງ 5 ທ່ານ.

         ເພື່ອເປັນການລະນຶກເຖິງ 2 ວັນປະຫວັດສາດທີ່ມີຄວາມໝາຍຄວາມສໍາຄັນຕໍ່ຊາດລາວເຮົາ ເວົ້າລວມເວົ້າສະເພາະແມ່ນຕໍ່ພະນັກງານ-ສະມາຊິກພັກ ທີ່ຈະຕ້ອງໄດ້ຮັບຮູ້ເຂົ້າໃຈໃຫ້ເລິກເຊິ່ງ ເພື່ອເສີມຂະຫຍາຍໃຫ້ ພະນັກງານພາຍໃນໄດ້ຮັບຮູ້ ແລະເຂົ້າໃຈໃຫ້ເລິກເຊິ່ງຕໍ່ກັບມູນເຊື້ອຄວາມສາມັກຄີເປັນປຶກແຜ່ນຂອງປະຊາຊົນລາວບັນດາເຜົ່າ, ມູນເຊື້ອການຕໍ່ສູ້ພິລາດອາດຫານທີ່ບໍຍອມຈໍານົນຕໍ່ສັດຕູຜູ້ຮຸກຮານຈົນສາມາດປົດປ່ອຍປະເທດຊາດຢ່າງສົມບູນ ແລະມູນເຊື້ອການມູນໃຊ້ລັດທິມາກ-ເລນິນເຂົ້າໃນການນໍາພາການປະຕິວັດອັນສະຫຼາດສ່ອງໄສ, ຄວາມເສຍສະຫຼະເພື່ອຊາດ, ເພື່ອປະຊາຊົນຂອງປະທານ ໄກສອນ ພົມວິຫານ ໃນພາລະກິດຕໍ່ສູ້ກູ້ຊາດຈົນໄດ້ຮັບໄຊຊະນະ.  ໃຫ້ສາມາດໂຄສະນາເຜີຍແຜ່ໃຫ້ສັງຄົມໄດ້ຮັບຮູ້ພ້ອມກັນເສີມຂະຫຍາຍມູນເຊື້ອ 2 ວັນດັ່ງກ່າວໃຫ້ຢູ່ຄູ່ກັບຄົນລາວຕະຫຼອດໄປ. ຈາກນັ້ນ ໄດ້ສືບຕໍ່ເຜີຍແຜ່ເຊື່ອມຊຶມເອກະສານສໍາຄັນຈໍານວນໜຶ່ງຄື: ບົດບັນທຶກມິດຕະພາບ ແລະການຮ່ວມມືລະຫວ່າງແຂວງອຸດົມໄຊ ສປປ ລາວ ແລະບັນດາແຂວງຂອງ ສສ ຫວຽດນາມ ທີ່ໄດ້ລົງນາມຮ່ວມກັນໃນປີ 2022, ຂໍ້ຕົກລົງ ຂອງທ່ານເຈົ້າແຂວງ ວ່າດ້ວຍການປະຢັດ ແລະຕ້ານການຟຸມເຟື່ອຍ ເລກທີ 1032/ຈຂ, ຂໍ້ຕົກລົງ ຂອງທ່ານ ເຈົ້າແຂວງ ວ່າດ້ວຍການປະສານງານລະຫວ່າງຫ້ອງວ່າການແຂວງ ແລະບັນດາພະແນກການອົງການທຽບເທົ່າພະແນກຂັ້ນແຂວງ ແລະເມືອງ ເລກທີ 940/ຈຂ. ເພື່ອເຮັດໃຫ້ພະນັກງານພາຍໃນຄະນະໂຄສະນາອົບຮົມແຂວງໄດ້ຮັບຮູ້ ແລະເຂົ້າໃຈເຖິງແນວທາງນະໂຍບາຍຂອງພັກ, ກົດໝາຍຂອງລັດ ໂດຍສະເພາະແມ່ນວຽກງານການພົວພັນຮ່ວມມືກັບ ສສ ຫວຽດນາມຂອງແຂວງອຸດົມໄຊ, ເຂົ້າໃຈກ່ຽວກັບສະພາບເສດຖະກິດ-ສັງຄົມໃນປັດຈຸບັນເພື່ອພ້ອມກັນປະຢັດ ແລະຕ້ານການຟຸມເຟື່ອຍເພື່ອຫຼຸດຜ່ອນລາຍຈ່າຍເຮັດໃຫ້ກົມກອງ, ຄອບຄົວ ເຂັ້ມແຂງ ແລະເຂົ້າໃຈແຈ້ງກ່ຽວກັບການປະສານງານລະຫວ່າງຫ້ອງວ່າການແຂວງ ແລະ ພະແນກການ, ອົງການ ແລະເມືອງ, ໃນການເຄື່ອນໄຫວຈັດຕັ້ງປະຕິບັດວຽກງານຕ່າງໆ ໃຫ້ມີຄວາມເປັນເອກະພາບຖືກຕ້ອງຕາມຫຼັກການ ແລະຂັ້ນຕອນ.

          ໃນຕອນທ້າຍພິທີ ທ່ານ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາຮົມແຂວງ ໄດ້ໂອ້ລົມຕໍ່ພະນັກງານ ໃຫ້ສືບຕໍ່ຝຶກຝົນຫຼໍ່ຫຼອມຕົນເອງທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ ໃຫ້ໜັກແໜ້ນ, ພະນັກງານໂຄສະນາທຸກຄົນຕ້ອງໄດ້ຄົ້ນຄວ້າເຊື່ອມຊຶມກ່ຽວກັບບັນດານິຕິກໍາທີ່ຂັ້ນເທິງວາງອອກໃຫ້ເຂົ້າໃຈເລິກເຊິ່ງສາມາດເປັນນັກໂຄສະນາໃນຕໍ່ໜ້າໃຫ້ກວ້າງຂວາງ.

ຄະນະໂຄສະນາອົບຮົມແຂວງ ເປີດອົບຮົມວຽກງານການເມືອງ-ແນວຄິດໃຫ້ແກ່ນັກທຸລະກິດຢູ່ອ້ອມຂ້າງແຂວງ

ລາຍລະອຽດ

ສ້າງຂື້ນເມື່ອ ວັນເສົາ, 10 ທັນວາ 2022 08:18

ຂຽນໂດຍ ພາບ/ຂ່າວ: ວິໄຊ ຢາຊົງກົວ

           ໃນຕອນເຊົ້າຂອງວັນທີ 8 ທັນວາ 2022 ຄະນະໂຄສະນາອົບຮົມແຂວງ ໄດ້ສົມທົບກັບຫ້ອງວ່າການແຂວງ ແລະ ພະແນກອຸດສາຫະກໍາ ແລະ ການຄ້າ ຈັດພິທີອົບຮົມວຽກງານການເມືອງ-ແນວຄິດໃຫ້ແກ່ນັກທຸລະກິດຢູ່ອ້ອມຂ້າງແຂວງ ຂຶ້ນຢູ່ທີ່ຫ້ອງປະຊຸມຫ້ອງວ່າການແຂວງ ໂດຍການເປັນປະທານຂອງທ່ານ ອ່ອນແກ້ວ ອຸ່ນອາລົມ ກໍາມະການປະຈໍາພັກແຂວງ, ຮອງເຈົ້າແຂວງ, ມີທ່ານ ນາງ ແກ້ວໄຊ ມະນີວົງ ຮອງຫົວໜ້າຄະນະໂຄສະນາອົບຮົມແຂວງ, ທ່ານ ນາງ ໄມພອນ ສິລິວົງ ວ່າການຫົວໜ້າພະແນກອຸດສາຫະກໍາ ແລະ ການຄ້າ ແລະ ບັນດານັກທຸລະກິດອ້ອມຂ້າງແຂວງເຂົ້າຮ່ວມ 25 ທ່ານ, ຍິງ 10 ທ່ານ.

ອ່ານເພີ່ມເຕີມ...

test2022

ລາຍລະອຽດ

ສ້າງຂື້ນເມື່ອ ວັນພຸດ, 07 ທັນວາ 2022 04:01

ຂຽນໂດຍ bo

ທົດລອງໂພສຂ່າວ