ກອງໂຄສະນາເຄື່ອນທີ່ຂອງຄະນະໂຄສະນາອົບຮົມແຂວງ ສົມທົບກັບຄະນະໂຄສະນາອົບຮົມເມືອງຫຼາ

ລາຍລະອຽດ

ສ້າງຂື້ນເມື່ອ ວັນອັງຄານ, 16 ພຶດສະພາ 2023 01:12

ຂຽນໂດຍ ພູວັນ ອ່ອນພະຈັນ

               ຕອນຄໍ່າຂອງວັນທີ 5 ພຶດສະພາ 2023 ກອງໂຄສະນາເຄື່ອນທີ່ ຄະນະໂຄສະນາອົບຮົມແຂວງ ສົມທົບກັບຄະນະໂຄສະນາອົບຮົມເມືອງຫຼາ ລົງໂຄສະນາເຄື່ອນທີ່ ຢູ່ບ້ານຫົວແກ້ງ ເມືອງຫຼາ ແຂວງອຸດົມໄຊ ໂດຍການນໍາພາທີມງານຂອງ ທ່ານ ໄຊສົງຄາມ ທໍາປັນຍາ ຫົວໜ້າຂະແໜງໂຄສະນາ ມີຄະນະພັກບ້ານ, ນາຍບ້ານ ແລະປະຊາຊົນພາຍໃນບ້ານເຂົ້າຊົມທັງໝົດ 145 ກ່ວາຄົນ, ຍິງ 95 ກ່ວາຄົນ.

ເນື້ອໃນມູນເຊື້ອທີ່ລົງສາຍຄັ້ງນີ້ມີ ມູນວັນວິລະກໍາໂຕນຄຸກຢ່າງມະຫັດສະຈັນຂອງບັນດາທ່ານຜູ້ນໍາພັກ ແລະ ແນວລາວຮັກຊາດ, ສາລະຄະດີໜ້າຮູ້ຈຳນວນໜຶ່ງ ມາສາຍໃຫ້ປະຊາຊົນໄດ້ຮັບຊົມ ໃນໂອກາດດັ່ງກ່າວ ທ່ານ ໄຊສົງຄາມ ທໍາປັນຍາ ຫົວໜ້າຂະແໜງໂຄສະນາໄດ້ຍົກໃຫ້ຮູ້ກ່ຽວກັບມູນເຊື້ອສອງວັນປະຫວັດສາດ ແລະ ໄດ້ອະທິບາຍຍົກໃຫ້ເຫັນເນື້ອໃນທີ່ສຳຄັນຂອງສອງເຫດການດັ່ງກ່າວ ໃຫ້ປະຊາຊົນໄດ້ຮັບຮູ້, ເຂົ້າໃຈຕໍ່ເຫດການຕໍ່ສູ້ອັນເດັດດ່ຽວຂອງບັນດາທ່ານຜູ້ນຳ, ຂອງບັນດານັກຮົບປະຕິວັດກອງພັນທີ 2 ເຖີງວ່າຖືກສັດຕູປິດລ້ອມ, ຖືກຈັບກຸມຄຸມຂັງ ແຕ່ຍ້ອນການນໍາພາອັນສະຫຼາດສ່ອງໃສຂອງພັກ, ນໍ້າໃຈເດັດດ່ຽວອາດຫານ, ບໍ່ຍອມຈຳນົນ, ບໍ່ຫວັ່ນໄຫວຄອນແຄນຕໍ່ອຸປະສັກ, ສິ່ງທົດສອບທ້າທາຍຕ່າງໆ ຂອງບັນດາທ່ານຜູ້ນຳພັກ, ຜູ້ນຳແນວລາວຮັກຊາດ ແລະ ບັນດາພະນັກງານ, ນັກຮົບກອງພັນທີ 2 ຈຶ່ງສາມາດທັບມ້າງກົນອຸບາຍຂອງຈັກກະພັດ ແລະ ລູກແຫຼ້ງຕີນມືຂອງພວກເຂົາທີ່ຫວັງດັບມອດກຳລັງປະຕິວັດ ໃຫ້ພັງທະລາຍລົງສາມາດຜ່າວົງປິດລ້ອມທີ່ແໜ້ນໜາຂອງສັດຕູ ແລະ ໂຕນອອກຈາກຄຸກ ໄປສູ່ເຂດທີ່ໝັ້ນຢ່າງປອດໄພ.

• < ຕໍ່ໄປ
• ຕໍ່ໄປ >