ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ ຢ່າງສຸດໃຈ ! ປະທານ ໄກສອນ ພົມວິຫານ ຍືນຍົງໃນພາລະກິດປະຕິວັດ ແລະ ຢູ່ໃນດວງໃຈຂອງພວກເຮົາຕະຫຼອດໄປ

ຄະນະໂຄສະນາອົບຮົມແຂວງ ລົງເຄື່ອນໄຫວວຽກງານວິຊາສະເພາະ ຢູ່ຄະນະໂຄສະນາອົບຮົມເມືອງຮຸນ

          ໃນວັນທີ 26 ຕຸລາ 2021 ຜ່ານມາ ຄະນະໂຄສະນາອົບຮົມແຂວງອຸດົມໄຊ ໄດ້ລົງເຄື່ອນໄຫວ ຊຸກຍູ້ວຽກງານວິຊາສະເພາະ ຢູ່ຄະນະໂຄສະນາອົບຮົມເມືອງຮຸນ ທີ່ຫ້ອງປະຊຸມຫ້ອງວ່າການເມືອງຮຸນ ຢ່າງເປັນທາງການ. ໂດຍການເປັນປະທານຂອງ ສະຫາຍ ນາງ ຈີ ຄູນສະຫງວນ ກໍາມະການປະຈໍາພັກເມືອງ ຫົວຫນ້າຄະນະໂຄສະນາອົບຮົມເມືອງ, ເປັນກຽດເຂົ້າຮ່ວມຂອງສະຫາຍ ສາຍດໍາ ໃຈຫຼ້າ ຮອງຫົວຫນ້າຄະນະໂຄສະນາອົບຮົມແຂວງ ພ້ອມດ້ວຍທີມງານ, ມີບັນດາຄະນະໂຄສະນາອົບຮົມເມືອງ ແລະ ພະນັກງານຫຼັກແຫຼ່ງພາຍໃນຄະນະໂຄສະນາອົບຮົມເມືອງເຂົ້າ ຮ່ວມທັງຫມົດ 09 ສະຫາຍ, ຍິງ 04 ສະຫາຍ.

         ໃນກອງປະຊຸມດັ່ງກ່າວ ສະຫາຍ ນາງ ຈີ ຄູນສະຫງວນ ກໍາມະການປະຈໍາພັກເມືອງ ຫົວຫນ້າຄະນະໂຄສະນາອົບຮົມເມືອງ ໄດ້ລາຍງານສະພາບການເຄື່ອນໄຫວໃນການຈັດຕັ້ງປະຕິບັດວຽກງານໂຄສະນາອົບຮົມຂອງເມືອງ ປະຈໍາ ປີ 2021. ຜ່ານການຈັດຕັ້ງປະຕິບັດວຽກງານວິຊາສະເພາະໃນໄລຍະຜ່ານມາເຊິ່ງສາມາດຕີລາຄາດ້ານດີຜົນງານໄດ້ດັ່ງນີ້: ວຽກງານໂຄສະນາ ແມ່ນການຈັດຕັ້ງປາຖະກະຖາມູນເຊື້ອວັນສຳຄັນຂອງຊາດ-ຂອງພັກ, ເຄື່ອນໄຫວໂຄສະນາແນວທາງຂອງພັກ, ນິຕິກໍາຕ່າງໆຂອງລັດ ລົງສູ່ຮາກຖານບ້ານ; ວຽກງານອົບຮົມ ແມ່ນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ, ມະຕິກອງປະຊຸມໃຫຍ່ຄັ້ງທີ XII ຂອງເມືອງ, ອົບຮົມມະຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກ; ເຄື່ອນໄຫວຕິດຕາມເກັບສະພາບແນວຄິດ-ຫາງສຽງສັງຄົມ ເພື່ອສະຫຼຸບລາຍງານໃຫ້ຂັ້ນເທິງໃຫ້ທັນການ. ໃນກອງປະຊຸມຍັງໄດ້ມີຄໍາຄິດຄໍາເຫັນເປັນແລກປ່ຽນ ແລະ ຖອດຖອນບົດຮຽນຢ່າງກົງໄປກົງມາ ເພື່ອປະສານງານໃຫ້ກົມກ່ຽວກັນ ລະຫວ່າງ ແຂວງ-ເມືອງ ເພື່ອຄວາມເປັນເອກະພາບໃນການຈັດຕັ້ງປະຕິບັດວຽກງານໂຄສະນາໃນຕໍ່ຫນ້າ. 

          ໂອກາດດັ່ງກ່າວ ສະຫາຍ ສາຍດໍາ ໃຈຫຼ້າ ຮອງຫົວຫນ້າຄະນະໂຄສະນາອົບຮົມແຂວງ ໄດ້ມີຄໍາເຫັນຕໍ່ຄະນະໂຄສະນາອົບຮົມເມືອງ ເຊິ່ງກ່ອນອື່ນແມ່ນທ່ານໄດ້ຍ້ອງຍໍຊົມເຊີຍບັນດາຜົນງານທີ່ເມືອງຍາດມາໄດ້ໃນໄລຍະຜ່ານ ແລະ ຮຽກຮ້ອງມາຍັງ ສະມາຊິກພັກ-ພະນັກງານ ໃຫ້ສືບຕໍ່ຜັນຂະຫຍາຍມະຕິ, ຄໍາສັ່ງ, ແນວທາງແຜນນະໂຍບາຍຂອງພັກ, ລະບຽບກົດຫມາຍຂອງລັດ ແລະ ວຽກງານວິຊາສະເພາະ ກໍຄືທິດທາງແຜນການປະຈໍາປີ 2022 ໃຫ້ເລິກເຊິ່ງ ເປັນຕົ້ນແມ່ນການເປັນເສນາທິການໃຫ້ຄະນະພັກເມືອງ, ເອົາໃຈໃສ່ ສຶກສາອົບຮົມວຽກງານການເມືອງ-ແນວຄິດໃຫ້ ພະນັກງານ-ສະມາຊິກພັກ,ຊັ້ ນຄົນໃນສັງຄົມ ຕະຫຼອດຮອດພໍ່ແມ່ປະຊາຊົນ ພາຍໃນເມືອງຮຸນຢ່າງທົ່ວເຖິງ.

 

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 44 ປີ

ວີດີໂອ....

ມູນເຊື້ອຂອງຊາດ-ຂອງພັກ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

         ຫນ່ວຍກູ້ໄພ: 1624

ຈຳນວນຄົນອອນໄລ໌ທ

ມີ 17  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

107531
ມື້ນີ້ມື້ນີ້9
ມື້ວານນີ້ມື້ວານນີ້94
ອາທິດນີ້ອາທິດນີ້166
ເດືອນນີ້ເດືອນນີ້9
ທັງໝົດທັງໝົດ107531

ບົດຄວາມທີ່ໄດ້ຮັບຄວາມສົນໃຈ

ບົດຄວາມເດັ່ນ ແລະ ສາລະໜ້າຮູ້