ຮອງຫົວໜ້າຄະນະໂຄສະນາອົບຮົມແຂວງ ລົງຊຸກຍູ້ວຽກງານໂຄສະນາອົບຮົມຢູ່ 2 ເມືອງ

ລາຍລະອຽດ

ສ້າງຂື້ນເມື່ອ ວັນອັງຄານ, 31 ຕຸລາ 2023 06:55

ຂຽນໂດຍ ວິໄຊ ຢາຊົງກົວ

         ເພື່ອຕິດຕາມ, ຊຸກຍູ້ການຈັດຕັ້ງເຄື່ອນໄຫວວຽກງານໂຄສະນາອົບຮົມຢູ່ບັນດາເມືອງ ແນໃສ່ປັບປຸງ ແລະ ຍົກສູງຄຸນນະພາບວຽກງານ ໃຫ້ຫັນເຂົ້າສູ່ຄຸນນະພາບໃໝ່ເທື່ອລະກ້າວ ເປັນຕົ້ນແມ່ນການປັບປຸງຮູບການ, ວິທີການຈັດຕັ້ງເຄື່ອນໄຫວວຽກງານໂຄສະນາອົບຮົມໃຫ້ສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໄໝ່ ມາໃນລະຫວ່າງວັນທີ 20 - 25 ຕຸລາ 2023 ນີ້ ທ່ານ ສາຍດໍາ ໃຈຫຼ້າ ກໍາມະການໜ່ວຍພັກຮາກຖານ, ຮອງຫົວໜ້າຄະນະໂຄສະນາອົບຮົມແຂວງ ໄດ້ນໍາພາທິມງານຈາກຄະນະໂຄສະນາອົບຮົມແຂວງລົງເຄື່ອນໄຫວເຮັດວຽກ ຢູ່ເມືອງງາ ແລະ ເມືອງນາໝໍ້.

          ການລົງເຮັດວຽກຄັ້ງນີ້ ທາງທິມງານໄດ້ເຂົ້າພົບການນໍາຂອງເມືອງ ເພື່ອສະເໜີຈຸດປະສົງຂອງການລົງເຮັດວຽກ ແລະ ຮັບຟັງການລາຍງານສະພາບການເຄື່ອນໄຫວວຽກງານໂຄສະນາອົບຮົມຂອງເມືອງໃນໄລຍະຜ່ານມາ. ຈາກນັ້ນ, ກໍໄດ້ເຂົ້າເຮັດວຽກນໍາຄະນະໂຄສະນາອົບຮົມເມືອງ ເພື່ອຮັບຟັງການລາຍງານຜົນສໍາເລັດໃນການຈັດຕັ້ງປະຕິບັດວຽກງານໂຄສະນາອົບຮົມຂອງເມືອງ ໄລຍະ 9 ເດືອນ 2023 ຜ່ານມາ ເປັນຕົ້ນແມ່ນດ້ານດີ - ຜົນງານທີ່ຍາດມາໄດ້, ດ້ານອ່ອນ - ຂໍ້ຄົງຄ້າງ, ສາເຫດ, ບົດຮຽນທີ່ຖອດຖອນໄດ້ ແລະ ຂໍ້ສະເໜີຈໍານວນໜຶ່ງຈາກຄະນະໂຄສະນາອົບຮົມເມືອງ, ພ້ອມທັງມີການແລກປ່ຽນຄໍາຄິດ, ຄໍາເຫັນເຊິ່ງກັນ ແລະ ກັນທາງດ້ານວິຊາການ ໂດຍສະເພາະແມ່ນວຽກງານໂຄສະນາ - ປາຖະກະຖາ, ວຽກງານອົບຮົມ, ວຽກງານສັງລວມ ແລະ ຂໍ້ມູນຂ່າວສານ ແລະ ວຽກງານບໍລິຫານຫ້ອງການ.

• ຕໍ່ໄປ >