ຄະນະໂຄສະນາອົບຮົມແຂວງ ອົບຮົມເອກະສານການເມືອງ-ແນວຄິດ ໃຫ້ຜູ້ຊົງຄຸນວຸດທິບັນດາເຜົ່າຢູ່ 2 ເມືອງ

ລາຍລະອຽດ

ສ້າງຂື້ນເມື່ອ ວັນສຸກ, 27 ຕຸລາ 2023 07:40

ຂຽນໂດຍ ວິໄຊ ຢາຊົງກົວ

       ເພື່ອປັບປຸງທັດສະນະຫຼັກໝັ້ນຂອງຜູ້ຊົງຄຸນວຸດທິບັນດາເຜົ່າໃຫ້ມີຄວາມໜັກແໜ້ນ, ຮັບຮູ້ - ເຂົ້າໃຈເຖິງບົດບາດ, ໜ້າທີ່ຂອງຕົນໃນການເປັນເຈົ້າການສຶກສາອົບຮົມປະຊາຊົນທຸກຊັ້ນຄົນປະຕິບັດແນວທາງນະໂຍບາຍຂອງພັກ - ລັດ. ດັ່ງນັ້ນ, ໃນລະຫວ່າງວັນທີ 21 - 25 ຕຸລາ 2023 ຄະນະໂຄສະນາອົບຮົມແຂວງ ຈິ່ງໄດ້ຈັດອົບຮົມເອກະສານການເມືອງ - ແນວຄິດໃຫ້ຜູ້ຊົງຄຸນວຸດທິບັນດາເຜົ່າຢູ່ ເມືອງງາ ແລະ ເມືອງນາໝໍ້ ແຂວງອຸດົມໄຊ ນໍາພາທິມງານໂດຍ ສະຫາຍ ສາຍດໍາ ໃຈຫຼ້າ ຄະນະພັກ, ຮອງຫົວໜ້າຄະນະໂຄສະນາອົບຮົມແຂວງ, ມີວິທະຍາກອນທີ່ມາຈາກຄະນະໂຄສະນາອົບຮົມແຂວງ - ເມືອງ, ອົງການແນວລາວສ້າງຊາດແຂວງ - ເມືອງ, ຄະນະຮັບຜິດຊອບ ແລະ ສໍາມະນາກອນ ເຂົ້າຮ່ວມ.

       ການອົບຮົມຄັ້ງນີ້, ສຳມະນາກອນໄດ້ຮຽນຮູ້ກ່ຽວກັບການເສີມຂະຫຍາຍມູນເຊື້ອອັນສະຫງ່າລາສີຂອງປະຊາຊົນບັນດາເຜົ່າ, ການເພີ່ມທະວີຄວາມສາມັກຄີເປັນປຶກແຜນ ແລະ ຄວາມສະເໝີພາບຂອງປະຊາຊົນລາວບັນດາເຜົ່າ ແລະ ໃຊ້ເວລາໃນການອົບຮົມ ຈຸດລະ 1 ວັນ.

• < ຕໍ່ໄປ
• ຕໍ່ໄປ >