ລົງເຊື່ອມຊຶມເອກະສານສຶກສາອົບຮົມການເມືອງ-ແນວຄິດ.

         ໃນຕອນເຊົ້າຂອງວັນທີ 05 ກັນຍາ 2022 ຄະນະໂຄສະນາອົບຮົມແຂວງ ໄດ້ລົງເຄື່ອນໄຫວເຊື່ອມຊຶມເອກະສານສຶກສາອົບຮົມການເມືອງ-ແນວຄິດ 3 ບົດ ກ່ອນເປີດກອງປະຊຸມໃຫຍ່ຂອງໜ່ວຍພັກບໍລິສັດ ETL ຢ່າງເປັນທາງການ. ໂດຍການເປັນປະທານ ຂອງສະຫາຍ ບຸນທຽມ ຈັນທະປະເສີດ ເລຂາໜ່ວຍພັກ,  ຫົວໜ້າບໍລິສັດ ETL ສາຂາແຂວງອຸດົມໄຊ, ເປັນກຽດເຂົ້າຮ່ວມກອງປະຊຸມໃນຄັ້ງນີ້ມີ ສະຫາຍ ສົມບູນ ມະນີ ເລຂາຄະນະພັກຮາກຖານ, ຫົວໜ້າພະແນກເຕັກໂນໂລຊີ ແລະ ການສື່ສານ ແລະ ສະຫາຍ ນາງ ແກ້ວໄຊ ມະນີວົງ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ, ມີບັນດາສະມາຊິກພັກເຂົ້າຮ່ວມທັງຫມົດ 8 ສະຫາຍ, ຍິງ 1 ສະຫາຍ. 

       ໃນກອງປະຊຸມດັ່ງກ່າວສະຫາຍ ນາງ ແກ້ວໄຊ ມະນີວົງ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ໄດ້ເຜີຍແຜ່ເຊື່ອມຊຶມເອກະສານ 2 ບົດຄື: ບົດທີ 1 ການເສີມຂະຫຍາຍມູນເຊື້ອ ແລະ ຄວາມສາມັກຄີ ເປັນເອກະພາບພາຍໃນພັກ ແລະ ບົດທີ 2 ຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາຫນ້າຂອງພັກ. ເຊິ່ງໃນການເຜີຍແຜ່ເອກະສານ ໄດ້ຍົກໃຫ້ເຫັນເຖິງການກໍາເນີດ, ທາດແທ້ຂອງພັກປະຊາຊົນປະຕິວັດລາວ, ມູນເຊື້ອການໝູນໃຊ້ລັດທິມາກ-ເລນິນ ເຂົ້າໃນການປະຕິວັດຂອງບັນດາທ່ານຜູ້ນໍາໃນສະໄໝຕໍ່ສູ້ກູ້ຊາດຈົນສາມາດຍາດໄດ້ໄຊຊະນະ ແລະ ປົດປ່ອຍປະເທດຊາດ, ການຫມູນໃຊ້ລັດທິມາກ-ເລນິນເຂົ້າໃນພາລະກິດການປົກປັກຮັກສາ ແລະ ສ້າງສາປະເທດຊາດໃນປັດຈຸບັນ. ພ້ອມກັນນັ້ນ ຍັງໄດ້ສຶກສາອົບຮົມໃຫ້ພະນັກງານສະມາຊິກພັກທຸກສະຫາຍຕ້ອງໄດ້ຕັ້ງໃຈຝຶກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງ, ສາມັກຄີຊ່ວຍເຫຼືອກໍ່ສ້າງເຊິ່ງກັນ ແລະ ກັນພາຍໃນໜ່ວຍພັກ. ຈາກນັ້ນ ສະຫາຍ ສົມບູນ ມະນີ ເລຂາຄະນະພັກຮາກຖານ, ຫົວໜ້າພະແນກເຕັກໂນໂລຊີ ແລະ ການສື່ສານ ໄດ້ເຜີຍແຜ່ເອກະສານບົດທີ 3 ວ່າດ້ວຍການຕັ້ງໜ້າຝຶກຝົນຫຼໍ່ຫຼອມຄຸນທາດ ການເມືອງ ແລະ ຄຸນສົມບັດສິນທໍາປະຕິວັດ ພ້ອມທັງໄດ້ຍົກສະພາບການຈັດຕັ້ງປະຕິບັດວຽກງານຕົວຈິງໃຫ້ສະມາຊິກພັກໄດ້ເຫັນ ແລະ ສຶກສາອົບຮົມສະມາຊິກພັກໃຫ້ມີຄຸນທາດການເມືອງ, ຄຸນສົມບັດສິນທໍາປະຕິວັດ ມີຄວາມສາມັກຄີເປັນເຈົ້າການໃນການເຄື່ອນໄຫວຈັດຕັ້ງປະຕິບັດວຽກງານທີ່ຂັ້ນເທິງມອບຫມາຍ ໃຫ້ມີຜົນສໍາເລັດຮັບປະກັນທັງປະລິມານ ແລະ ຄຸນນະພາບ ເພື່ອກະກຽມຄວາມພ້ອມເຂົ້າໃນກອງປະຊຸມໃຫຍ່ຂອງໜ່ວຍພັກ.

 ໂອກາດດັ່ງກ່າວ ສະຫາຍ ນາງ ແກ້ວໄຊ ມະນີວົງ ຮອງເລຂາຫນ່ວຍພັກ, ຮອງຫົວຫນ້າຄະນະ ໂຄສະນາອົບຮົມແຂວງ ໄດ້ມີຄຳເຫັນໂອ້ລົມຕໍ່ສະມາຊິກພັກໂດຍສະເພາະແມ່ນໄດ້ເນັ້ນໜັກໃຫ້ສະມາຊິກພັກທຸກສະຫາຍ ຈົ່ງເປັນເຈົ້າການໃນການກະກຽມຄວາມພ້ອມທຸກໆດ້ານໃນການກະກຽມເປີດກອງປະຊຸມໃຫຍ່ຂອງໜ່ວຍພັກ ເປັນຕົ້ນແມ່ນມີຄວາມເປັນເອກະພາບກັບເນື້ອໃນບົດລາຍງານການເມືອງ, ທິດທາງແຜນການຂອງກອງປະຊຸມໃຫ້ມີເນື້ອໃນຄົບຖ້ວນ, ສາມາດຫັນມາເປັນແຜນງານໃນການເຄື່ອນໄຫວຈັດຕັ້ງປະຕິບັດວຽກງານ ໃນການເລືອກຕັ້ງຄະນະພັກຊຸດໃໝ່, ປະຕິບັດຕາມມາດຖານເງື່ອນໄຂທີ່ຂັ້ນເທິງໄດ້ວາງອອກ ເພື່ອເຮັດໃຫ້ກອງປະຊຸມຂອງໜ່ວຍພັກສໍາເລັດຕາມແຜນການທີ່ວາງໄວ້. 

ສະຖິຕິຜູ້ເຂົ້າຊົມ:

139156
ມື້ນີ້ມື້ນີ້63
ມື້ວານນີ້ມື້ວານນີ້156
ອາທິດນີ້ອາທິດນີ້546
ເດືອນນີ້ເດືອນນີ້4566
ທັງໝົດທັງໝົດ139156

ວີດີໂອ....

ມູນເຊື້ອຂອງຊາດ-ຂອງພັກ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

         ຫນ່ວຍກູ້ໄພ: 1624

ຈຳນວນຄົນອອນໄລ໌ທ

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ບົດຄວາມທີ່ໄດ້ຮັບຄວາມສົນໃຈ

ບົດຄວາມເດັ່ນ ແລະ ສາລະໜ້າຮູ້

ອົງການຈັດຕັ້ງມະຫາຊົນ