ກອງປະຊຸມສະຫຼຸບຖອດຖອນບົດຮຽນ ຊຸດຝຶກອົບຮົມ ສ້າງຄວາມເຂັ້ມແຂງ ໃຫ້ແກ່ຄະນະພັກ, ຄະນະບ້ານ ແລະ ພະນັກງານຊ່ວຍວຽກຂັ້ນບ້ານ ຢູ່ 3 ເມືອງ.

        ກອງປະຊຸມສະຫຼຸບຖອດຖອນບົດຮຽນ ຊຸດຝຶກອົບຮົມ ສ້າງຄວາມເຂັ້ມແຂງ ໃຫ້ແກ່ຄະນະພັກ ຄະນະບ້ານ ແລະ ພະນັກງານຊ່ວຍວຽກຂັ້ນບ້ານ ຢູ່ເມືອງໄຊ, ເມືອງຫຼາ ແລະ ເມືອງງາ ໄດ້ຈັດຂຶ້ນໃນຕອນບ່າຍ ຂອງວັນທີ່ 9 ສິງຫາ 2022 ຢູ່ທີ່ຫ້ອງປະຊຸມຄະນະຈັດຕັ້ງແຂວງ ໂດຍການເປັນປະທານ ຂອງທ່ານ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ເຊິ່ງມີ ທ່ານ ຄໍາຟອງ ພັດທະມາວົງ ກໍາມະການພັກແຂວງ, ຫົວໜ້າໂຮງຮຽນການເມືອງ-ການປົກຄອງແຂວງ ແລະ ບັນດາທ່ານຮອງຫົວໜ້າຄະນະໂຄສະນາສະນາອົບຮົມແຂວງ, ພະແນກພາຍໃນແຂວງ, ຄະນະຈັດຕັ້ງແຂວງ ແລະ ຫ້ອງວ່າການແຂວງ ເຂົ້າຮ່ວມຢ່າງພ້ອມພຽງ.

      ເພື່ອເປັນການຈັດຕັ້ງປະຕິບັດຕາມແນວທາງນະໂຍບາຍຂອງພັກ ແລະ ລັດຖະບານເຮົາ ກ່ຽວກັບການກໍ່ສ້າງຮາກຖານການ ເມືອງ-ພັດທະນາຊົນນະບົດຮອບດ້ານ ຕາມເນື້ອໃນມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ ໂດຍຖືເອົາການປັບປຸງກໍ່ສ້າງຮາກຖານການເມືອງ, ການສ້າງໜ່ວຍພັກ, ອົງການປົກຄອງ ແລະ ອົງການຈັດຕັ້ງມະຫາຊົນຂັ້ນຮາກຖານບ້ານ ໃຫ້ມີຄວາມໜັກແໜ້ນເຂັ້ມແຂງ, ສາມາດເປັນແກນນຳໃນລະບົບການເມືອງຢູ່ຮາກຖານບ້ານ, ຮັບປະກັນໃຫ້ການຈັດຕັ້ງພັກ, ອົງການປົກຄອງ ແລະ ການຈັດຕັ້ງມະຫາຊົນເປັນກຳລັງແຮງນຳພາສູ້ຮົບ, ສາມາດປຸກລະດົມຂົນຂວາຍປະຊາຊົນບັນດາເຜົ່າ ເປັນເຈົ້າການໃນການນໍາພາ ແລະ ພັດທະນາເສດຖະກິດ, ວັດທະນະທຳ-ສັງຄົມຢູ່ຮາກຖານບ້ານໃຫ້ເຂັ້ມແຂງ ແລະ ເຕີບໃຫຍ່ຂະຫຍາຍຕົວຂຶ້ນເທື່ອລະກ້າວ. ໂດຍປະຕິບັດມະຕິຕົກລົງ ຂອງຄະນະປະຈໍາພັກແຂວງ ຄະນະຮັບຜິດຊອບໄດ້ດໍາເນີນການຝຶກອົບຮົມສ້າງຄວາມເຂັ້ມແຂງໃຫ້ຄະນະພັກ, ຄະນະບ້ານ ແລະ ພະນັກງານຊ່ວຍວຽກຂັ້ນບ້ານຢູ່ຈຸດສຸມນໍ້າແຫງ ເມືອງໄຊ, ຈຸດສຸມນາຄົກ ເມືອງງາ ແລະ ບ້ານເທດສະບານເມືອງຫຼາໃນປີ 2022 ສະບັບເລກທີ 506/ຄປພຂ, ລົງວັນທີ 15 ມິຖຸນາ 2022 ເຊິງການຈັດຊຸດຝຶກອົບຮົມ ຢູ່ 3 ຈຸດໄດ້ດໍາເນີນຕາມແຜນທີ່ໄດ້ກຳນົດ ເຊັ່ນ: ຈຸດສຸມນໍ້າແຫງ ເມືອງ, ບ້ານເທດສະບານເມືອງຫຼາ ແລະ ຈຸດສຸມກຸ່ມບ້ານນາຄົກ ເມືອງງາ ແຕ່ລະຈຸດໄດ້ດຳເນີນຈຸດລະ 3 ວັນເຕັມ; ເປົ້າໝາຍເຂົ້າຝຶກແມ່ນຄະນະພັກບ້ານ, ຄະນະບ້ານ ແລະ 5 ໜ່ວຍງານຊ່ວຍວຽກຂັ້ນບ້ານເຂົ້າຮ່ວມທັງໝົດ 97 ຄົນ, ຍິງ 16 ຄົນ ທີ່ມາຈາກ 17 ບ້ານຂອງ 3 ເມືອງ; ວິທະຍາກອນຝຶກໂດຍຕາງໜ້າ 5 ພາກສ່ວນ. ກອງປະຊຸມດັ່ງກ່າວຍັງໄດ້ຕີລາດ້ານອ່ອນ-ຂໍ້ຄົງຄ້າງ ແລະ ບົດຮຽນທີ່ທອດຖອນໄດ້ ເປັນຕົ້ນແມ່ນງົບປະມານເຂົ້າໃນການຝຶກອົບຮົມ ຄວາມຮູ້ດ້ານ ການເມືອງ-ການປົກຄອງ ແລະ ການສ້າງບ້ານພັດທະນາ ເພື່ອສ້າງຄວາມເຂັ້ມແຂງໃຫ້ແກ່ຄະນະພັກ, ຄະນະບ້ານ ແລະ ພະນັກງານຊ່ວຍວຽກຂັ້ນບ້ານ ຢູ່ບັນດາຈຸດສຸມທີ່ເຫັນວ່າ ການເຄື່ອນໄຫວນໍາພາ-ຊີ້ນໍາ ຍັງບໍ່ທັນແຂງແຮງເທົ່າທີ່ຄວນ, ການກໍານົດຈຸດຝຶກອົບຮົມໃຫ້ຖືກຕາມເນື້ອໃນ ຂອງໂຄງການ ແນໃສ່ເຮັດໃຫ້ການຝຶກອົບຮົມມີປະສິດທິພາບ-ປະສິດທິຜົນດີ ແລະ ພາຍຫຼັງຝຶກອົບຮົມສໍາເລັດຕາມແຜນ ຂອງໂຄງການ ຕ້ອງຈັດກອງປະຊຸມຖອດຖອນບົດຮຽນ ກ່ຽວກັບການຝຶກອົບຮົມຢູ່ແຕ່ລະຈຸດ ເພື່ອເສີມຂະຫຍາຍດ້ານດີ ແລະ ປັບປຸງແກ້ໄຂດ້ານອ່ອນຂໍ້ຄົງຄ້າງ ໃຫ້ດີຂຶ້ນກວ່າເກົ່າ.

ສະຖິຕິຜູ້ເຂົ້າຊົມ:

139147
ມື້ນີ້ມື້ນີ້54
ມື້ວານນີ້ມື້ວານນີ້156
ອາທິດນີ້ອາທິດນີ້537
ເດືອນນີ້ເດືອນນີ້4557
ທັງໝົດທັງໝົດ139147

ວີດີໂອ....

ມູນເຊື້ອຂອງຊາດ-ຂອງພັກ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

         ຫນ່ວຍກູ້ໄພ: 1624

ຈຳນວນຄົນອອນໄລ໌ທ

ມີ 11  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ບົດຄວາມທີ່ໄດ້ຮັບຄວາມສົນໃຈ

ບົດຄວາມເດັ່ນ ແລະ ສາລະໜ້າຮູ້

ອົງການຈັດຕັ້ງມະຫາຊົນ