ພິທີໂຮມຊຸມນຸມສະຫຼອງວັນສ້າງຕັ້ງສານປະຊາຊົນ ຄົບຮອບ 40 ປີ.

       ພິທີໂຮມຊຸມນຸມສະຫຼອງວັນສ້າງຕັ້ງສານປະຊາຊົນ ຄົບຮອບ 40 ປີ (15 ສິງຫາ 1982-15 ສິງຫາ 2022) ໄດ້ຈັດຂຶ້ນທີ່ຫ້ອງປະຊຸມພະແນກແຜນການ ແລະ ການລົງທຶນ ໂດຍການເປັນປະທານ ຂອງ ທ່ານ ມໍ ຊົງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ເຂົ້າຮ່ວມໃນພິທີມີບັນດາທ່ານກໍາມະການພັກແຂວງ, ອະດີດປະທານສານປະຊາຊົນ, ຫົວໜ້າ, ຮອງຫົວໜ້າພະແນກການ-ອົງການ, ພະນັກງານຫຼັກແຫຼ່ງອ້ອມຂ້າງແຂວງ ແລະ ເມືອງໄຊ ເຂົ້າຮ່ວມຢ່າງພ້ອມພຽງ.

         ເພື່ອລະນຶກເຖິງ ວັນທີ 15 ສິງຫາ 1982 ເຊິ່ງແມ່ນເສັ້ນທາງແຫ່ງການກໍາເນີດ ແລະ ຂະຫຍາຍຕົວຂອງສານປະຊາຊົນ ທີ່ໄດ້ຜ່ານຄວາມຫຍຸ້ງຍາກ, ສັບສົນ, ລະອິດລະອ້ຽວ ແລະ ສິ່ງທົດສອບຫຼາຍປະການໃນການຈັດຕັ້ງປະຕິບັດໜ້າທີ່ວຽກງານ ເພື່ອປະກອບສ່ວນເຂົ້າໃນການຄຸ້ມຄອງ, ຄຸ້ມຄອງສັງຄົມດ້ວຍລະບຽບກົດໝາຍ, ເຮັດໃຫ້ປະເທດຊາດ ມີສະຖຽນລະພາບທາງດ້ານການເມືອງ, ເສດຖະກິດມີການຂະຫຍາຍຕົວ, ສັງຄົມມີຄວາມສາມັກຄີປອງດອງ ແລະ ຍຸຕິທໍາ. ນັບແຕ່ມື້ສ້າງປະເທດສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນໃນວັນທີ 2 ທັນວາ 1975 ເປັນຕົ້ນມາ ພັກ ແລະ ລັດຖະບານເຮົາ ກໍໄດ້ນໍາພາປະຊາຊົນລາວ ປະຕິບັດສອງໜ້າທີ່ຍຸດທະສາດຄື ປົກປັກຮັກສາ ແລະ ສ້າງສາພັດທະນາປະເທດຊາດ ຢຶດໝັ້ນທາດແທ້ອຸດົມການຂອງພັກ ໃນການຄຸ້ມຄອງລັດ, ຄຸ້ມຄອງສັງຄົມດ້ວຍລະບຽບກົດໝາຍ ເທື່ອລະກ້າວ ເພື່ອປົກປັກຮັກສາຜົນປະໂຫຍດອັນຊອບທໍາຂອງລັດ, ປະຊາຊົນ ຮັບປະກັນຄວາມເປັນລະບຽບຮຽບຮ້ອຍ ແລະ ຄວາມຍຸຕິທໍາໃນສັງຄົມ. ສານປະຊາຊົນ ແມ່ນອົງການຕຸລາການ, ມີພາລະບົດບາດ ດໍາເນີນການພິຈາລະນາຕັດສິນຄະດີ ເພື່ອປົກປັກຮັກສາ ແລະ ເສີມຂະຫຍາຍໝາກຜົນຂອງການປະຕິວັດ, ລອບການເມືອງ, ເສດຖະກິດ, ວັດທະນະທໍາ-ສັງຄົມ. ຜ່ານການຈັດຕັ້ງປະຕິບັດຕົວຈິງເຮັດໃຫ້ການພິພາກສາຕັດສິນຄະດີວ່ອງໄວ ແລະ ມີຄຸນນະພາບນັບມື້ນັບສູງ ເຊິ່ງສະແດງອອກໃນໄລຍະ 5 ປີ ຜ່ານມີຄະດີເຂົ້າມາສານປະຊາຊົນ 44,521 ເລື່ອງ, ຄ້າງ1,606 ເລື່ອງ, ລວມທັງໝົດ 46,127 ເລື່ອງ. ແກ້ໄຂໄດ້ 43,559 ເລື່ອງ, ເທົ່າກັບ 94,43%, ຜ່ານການຕັດສິນ, ພິພາກສາຄະດີດັ່ງກ່າວ ເຫັນໄດ້ວ່າຄວາມພໍໃຈຕໍ່ຜົນການຕັດສິນ, ພິພາກສາຄະດີຂອງສານຫຼາຍຂຶ້ນ ຄະດີອາຍາ ຄູ່ຄວາມພໍ່ໃຈຕໍ່ຜົນຕັດສິນ ສົ່ງໄປຈັດຕັ້ງປະຕິບັດ 21,406 ເລື່ອງ ກວມເອົາ 92,63% ຂອງຄະດີອາຍາທີ່ສານຂັ້ນຕົ້ນໄດ້ຕັດສິນ, ຄະດີແພ່ງ 5,517 ເລື່ອງ ກວມເອົາ 70,55% ຂອງຄະດີແພ່ງທີ່ສານຂັ້ນຕົ້ນໄດ້ຕັດສິນ.

ສະຖິຕິຜູ້ເຂົ້າຊົມ:

139151
ມື້ນີ້ມື້ນີ້58
ມື້ວານນີ້ມື້ວານນີ້156
ອາທິດນີ້ອາທິດນີ້541
ເດືອນນີ້ເດືອນນີ້4561
ທັງໝົດທັງໝົດ139151

ວີດີໂອ....

ມູນເຊື້ອຂອງຊາດ-ຂອງພັກ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

         ຫນ່ວຍກູ້ໄພ: 1624

ຈຳນວນຄົນອອນໄລ໌ທ

ມີ 6  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ບົດຄວາມທີ່ໄດ້ຮັບຄວາມສົນໃຈ

ບົດຄວາມເດັ່ນ ແລະ ສາລະໜ້າຮູ້

ອົງການຈັດຕັ້ງມະຫາຊົນ