ຄະນະໂຄສະນາອົບຮົມແຂວງ ຝຶກອົບຮົມການຮ່າງເອກະສານທາງລັດຖະການ-ວຽກງານສໍາເນົາເອກະສານ ແລະ ພິທີການ, ມາລະຍາດທາງສັງຄົມ-ມາລະຍາດສາກົນ.

        ໃນວັນທີ 17-18 ສິງຫາ 2022 ຄະນະໂຄສະນາອົບຮົມແຂວງ ໄດ້ຈັດຝຶກອົບຮົມການຮ່າງເອກະສານທາງລັດຖະການ-ວຽກງານສໍາເນົາເອກະສານ ແລະ ພິທີການ, ມາລະຍາດທາງສັງຄົມ-ມາລະຍາດສາກົນ ຢ່າງເປັນທາງການ ທີ່ຫ້ອງປະຊຸມຄະນະໂຄສະນາອົບຮົມແຂວງ. ໂດຍການເປັນປະທານ ຂອງທ່ານ ສາຍດໍາ ໃຈຫຼ້າ ຮອງຫົວໜ້າຄະນະໂຄສະນາອົບຮົມແຂວງ, ເຂົ້່າຮ່ວມພິທີມີ ທ່ານ ນາງ ສົມລີ ສີອ່ອນຕາ ຮອງຫົວໜ້າພະແນກພາຍໃນແຂວງ, ເຊິ່ງມີຄະນະຮັບຜິດຊອບຈາກພະແນກພາຍໃນແຂວງ, ພະແນກກການຕ່າງປະເທດ ແລະ ພະນັກງານຫຼັກແຫຼ່ງພາຍໃນ ຄະນະໂຄສະນາອົບຮົມແຂວງ ແລະ ຄະນະໂຄສະນາອົບຮົມເມືອງໄຊ ເຂົ້າຮ່ວມທັງໝົດ 20 ທ່ານ, ຍິງ 6 ທ່ານ.

        ເພື່ອຈັດຕັ້ງປະຕິບັດລັດຖະດໍາລັດຂອງປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ ກ່ຽວກັບການປະກາດໃຊ້ກົດໝາຍ ວາ່ດ້ວຍເອກະສານ ເລກທີ 206/ປປທ, ລົງວັນທີ 01 ສິງຫາ 2019. ແນໃສ່ໃຫ້ພະນັກງານ-ລັດຖະກອນ ເຂົ້າໃຈຈະແຈ້ງກ່ຽວກັບການຮ່າງເອກະສານ, ສ້າງເອກະສານທາງລັດຖະການ, ການເຊັນເອກະສານ ແລະ ການປະທັບຕາ, ການຄຸ້ມຄອງເອກະສານ ຂາເຂົ້າ-ຂາອອກ, ການສ້າງສໍານວນເອກະສານ, ການມອບສໍານວນເອກະສານ ໃຫ້ຖືກຕ້ອງຕາມກົດໝາຍແຫຼ່ງ ສ ປປ ລາວ; ໃຫ້ຄວາມຖືກຕ້ອງທາງດ້ານເນື້ອໃນ, ນໍາໃຊ້ພາສາ, ສໍານວນ, ທາງດ້ານໂຄງປະກອບ ຮັບປະກັນຄວາມຈັດເຊນ, ຖືກຕ້ອງ, ຄົບຖ້ວນ ແລະ ເຂົ້້າໃຈງ່າຍ.  ຮັບຮູ້ວຽກງານພິທີການ, ມາລະຍາດທາງສັງຄົມ-ມາລະຍາດສາກົນ ເປັນຕົ້ນແມ່ນມາລະຍາດໃນການຕ້ອນຮັບແຂກ, ການນຸ່ງຖື, ມາລະຍາດໃນການເຂົ້າຮ່ວມໃນງານລ້ຽງ ແລະ ອື່ນໆ ເພື່ອເຮັດໃຫ້ພະນັກງານ-ລັດຖະກອນ ເຂົ້າໃຈຕໍ່ກັບແນວທາງການຕ່າງປະເທດຂອງ ສປປ ລາວ ສັນຕິພາບ ເອກະລາດ ມິດຕະພາບ ແລະ ການຮ່ວມມືຢ່າງສະເໝີຕົ້ນສະເໝີປາຍ ແລະ ປະຕິບັດນະໂຍບາຍ ເປີດກວ້າງການພົວພັນຮ່ວມມືແບບຫລາຍທິດ, ຫລາຍຝ່າຍ, ຫລາຍຮູບແບບ ແລະ ຕ່າງຝ່າຍຕ່າງມີຜົນປະໂຫຍດ.

ມູນເຊື້ອຂອງຊາດ-ຂອງພັກ