ເມືອງປາກແບງປາຖະກະຖາ ມູນເຊື້ອວັນສໍາຄັນຂອງຊາດ

        ໃນວັນທີ່ 17 ສິງຫາ 2022 ຢູ່ທີ່ສະໂມສອນເມືອງປາກແບງ  ແຂວງອຸດົມໄຊ ໄດ້ຈັດພິທີ ປາຖະກະຖາ ເລົ່າຄືນມູນເຊື້ອ ວັນສ້າງຕັ້ງລັດຖະທຳມະນູນແຫ່ງຊາດ ຄົບຮອບ 31ປີ (15 ສິງຫາ 1991 -15 ສິງຫາ 2022 ) ແລະ ວັນຍຶດອຳນາດທົ່ວປະເທດ ຄົບຮອບ 77 ປີ ແລະ 47 ປີ (23 ສິງຫາ 1945 ແລະ 23 ສິງຫາ 1975 -23 ສິງຫາ 2022 ), ໂດຍພາຍໃຕ້ການເປັນປະທານ ຂອງ ທ່ານ ຄໍາດີ ກຸນໄຊຍະທຳ  ຮອງເລຂາພັກເມືອງ ຜູ້ຊີ້ນໍາວຽກພັກພະນັກງານ, ເປັນກຽດເຂົ້າຮ່ວມໂດຍ ມີບັນດາທ່ານ ຄະນະປະຈໍາພັກເມືອງ, ກໍາມະການພັກເມືອງ, ຫົວຫນ້າ, ຮອງຫົວໜ້າຫ້ອງການ,ພະນັກບໍານານ, ລັດວິສະຫະກິດ, ພະນັກງານ-ລັດຖະກອນ, ສອງກອງບັນຊາການ ປກຊ-ປກສ ,ອົງການປົກຄອງບ້ານ ຕະຫລອດຮອດພໍ່ແມ່ປະຊາຊົນພາຍໃນເມືອງ ເຂົ້າຮ່ວມຮັບຟັງທັງຫມົດ 55 ທ່ານ, ຍິງ 15 ທ່ານ.

    ພິທີເລົ່າມູນເຊື້ອວັນສໍາຄັນໃນຄັ້ງນີ້ ແມ່ນເພື່ອໃຫ້ບັນດາພະນັກງານ-ສະມາຊິກພັກໄດ້ຮັບຮູ້ເຂົ້າ ໃຈຢ່າງເລິກເຊິ່ງ ເຖິງປະຫວັດສາດແຫ່ງການຕໍ່ສູ້ກູ້ຊາດຍາດເອົາເອກະລາດ, ອິດສະຫຼະພາບ, ອະທິປະໄຕ ແລະ ຜືນແຜ່ນດິນອັນຄົບຖ້ວນ ຂອງພະນັກງານນັກຮົບ ແລະ ປະຊາຊົນລາວບັນດາເຜົ່າ;ນໍ້າໃຈຮັກຊາດອັນດູດດື່ມ, ຕໍ່ສູ້ຢ່າງພິລະອາດຫານກ້າແກ່ນ ແລະ ນໍ້າໃຈເສຍສະຫລະອັນສູງສົ່ງຂອງນັກຮົບປະຕິວັດ ແລະ ປະຊາຊົນ ພາຍໃຕ້ການນໍາພາຂອງພັກປະຊາຊົົນປະຕິວັດລາວ ເພື່ອທັບມ້າງແອກປົກຄອງຂອງພວກລ່າເມືອງຂື້ນແບບເກົ່າ-ແບບໃຫມ່ ແລະ ສະຖາປະນາປະເທດສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນໃນວັນທີ 2 ທັນວາ 1975. ເພື່ອສ້າງຄວາມຮັບຮູ້ເຂົ້າໃຈຢ່າງເລິກເຊິ່ງເຖິງຄວາມຫມາຍຄວາມສໍາຄັນຂອງວັນລັດຖະທຳ ມະນູນແຫ່ງຊາດໃຫ້ກ້ວາງຂວາງ ໃນຂອບເຂດທົ່ວເມືອງ ກ່ຽວລັດແຫ່ງກົດໝາຍ ພ້ອມທັງເປັນການສຶກສາອົບຮົມພະນັກງານ ສະມາຊິກພັກ,ປະຊາຊົນບັນດາເຜົ່າ ໃຫ້ມີສະຕິຮັກຊາດ, ພັນຖະຂອງພົນລະເມືອງ, ເສຍສະຫຼະປະກອບສ່ວນ ເຂົ້າໃນການປົກປັກຮັກສາ ແລະ ສ້າງສາປະເທດຊາດ, ນໍາເອົາບົດຮຽນດັ່ງກ່າວ ຫມູນໃຊ້ເຂົ້າໃນການປັັບປຸງຫນ້າທີ່ວຽກງານ ໃຫ້ມີຄຸນນະພາບປະສິດທິຜົນສູງຂື້ນ ແລະ ເປັນເຈົ້າການໃນການປະຕິບັດລັດຖະທໍາມະນູນ ແລະ ກົດຫມາຍໃຫ້ເຂັ້ມງວດ.

ມູນເຊື້ອຂອງຊາດ-ຂອງພັກ