ຄະນະໂຄສະນາອົບຮົມສູນກາງພັກ ໄດ້ເປີດຊຸດອົບຮົມການພັດທະນາ,ຄຸ້ມຄອງ, ບໍລິຫານຈັດການ ແລະ ມອບເວັບໄຊສໃຫ້ຄະນະໂຄສະນາອົບຮົມແຂວງອຸດົມໄຊ.

                      

     ວັນທີ 19-20 ມິຖຸນາ 2019ຜ່ານມາກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກ ໄດ້ເປີດຊຸດອົບຮົມການພັດທະນາ,ຄຸ້ມຄອງ, ບໍລິຫານຈັດການ ແລະ ມອບເວັບໄຊສ ໃຫ້ຄະນະໂຄສະນາອົບຮົມແຂວງອຸດົມໄຊ ນໍາໃຊ້ຢ່າງເປັນທາງການ ທີ່ຫ້ອງປະຊຸມຄະນະໂຄສະນາອົບຮົມແຂວງ ພາຍໃຕ້ການເປັນປະທານ ຂອງ ທ່ານ ຄໍາຈັນ ວ່າບົວແສງ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ. ເປັນກຽດເຂົ້າຮ່ວມໂດຍ ທ່ານ ວັນຕຸລາ ຣັກນຸດ ວ່າການຫົວໜ້າກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກມີນັກສໍາມະນາກອນຈາກຄະນະໂຄສະນາອົບຮົມແຂວງ ແລະ ຄະນະໂຄສະນາອົບຮົມເມືອງໄຊ ເຂົ້າຮ່ວມທັງໝົດ 7 ສະຫາຍ.

          ຈຸດປະສົ່ງການນໍາໃຊ້ເວບໄຊສແມ່ນເພື່ອຍົກສູງຄຸນນະພາບຂອງວຽກງານໂຄສະນາອົບຮົມ ເປັນຕົ້ນແມ່ນວຽກງານການເມືອງ-ແນວຄິດ, ໂຄສະນາເຜີຍແຜ່ແນວທາງນະໂຍບາຍຂອງພັກ, ມະຕິ, ຄໍາສັ່ງ, ລະບຽບກົດໝາຍຂອງລັດໃຫ້ທົ່ວເຖິງ ແລະ ເຂົ້າສູ່ລວງເລິກ ໂດຍຜ່ານສື່ ຫຼື ຜ່ານເຄື່ອງເອເລັກໂຕຼນິກ ເພື່ອຕ້ານ ແລະ ສະກັດກັ້ນປະກົດການຫຍໍ້ທໍ້ໃນສັງຄົມ, ຂໍ້ມູນທີ່ບິດເບືອນໃສ່ຮ້າຍປ້າຍສີຕໍ່ການນໍາພາຂອງພັກໃຫ້ທັນການ,ເພື່ອສ້າງບາດກ້າວຫັນປ່ຽນໃໝ່ ຂອງວຽກງານສຶກສາອົບຮົມການເມືອງ-ແນວຄິດ ຕາມທິດຍົກສູງຄຸນນະພາບໃຫ້ສູງຂຶ້ນເປັນກ້າວໆ. ບັ້ນຝຶກອົບຮົມແມ່ນໃຊ້ເວລາ 2 ວັນຈຶ່ງສຳເລັດ.

          ຕອນທ້າຍຂອງພິທີຍັງໄດ້ມອບເວບໄຊສ ໃຫ້ຄະນະໂຄສະນາອົບຮົມແຂວງອຸດົມໄຊ ເຊິ່ງມອບໂດຍທ່ານ ວັນຕຸລາ ຣັກນຸດ ວ່າການຫົວໜ້າກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກ ແລະ ຮັບໂດຍທ່ານ ຄໍາຈັນ ວ່າບົວແສງ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ.ເພື່ອນໍາໃຊ້ເປັນຊ່ອງທາງໜຶ່ງໃນການເຜີຍແຜ່ຂໍ້ມູນຂ່າວສານ ໃຫ້ສັງ ຄົມຮັບຮູ້ຢ່າງກ້ວາງຂວາງທົ່ວເຖິງຫຼາຍຂຶ້ນ. ເຊິ່ງໃນພິທີມອບດັງກ່າວ ມີທີມງານຈາກຄະນະໂຄສະນາອົບຮົມສູນກາງ, ຄະນະ ພັກ ແລະ ພະນັກງານພາຍໃນຄະນະໂຄສະນາອົບຮົມເຂົ້າຮ່ວມທັງໝົດ 26 ສະຫາຍ, 6  ສະຫາຍ.

 

 

ມູນເຊື້ອຂອງຊາດ-ຂອງພັກ